san carlo parte iniziale volume 5 valletrompia.qxd - Brixia Sacra

RIVIERA DEL GARDA
Compertum est in huius loci visitatione quod, sponsalibus tantum clandestinis
contractis absque matrimonii celebratione, sponsi ad earum domos
sponsas traducunt seu libere in ipsarum sponsarum aedibus simul affectu
matrimoniali habitant et uti uxores et mariti versantur, qua de re frequentius
accidit quod recedentes a promissis, quae aliquando praestari non possunt,
matrimonia inire recusant, etiam maximo christifidelium scandalo nec
non ipsae virgines delusae et [f. 858r] coruptae remanent. Quamobrem
curet archipresbiter ut sponsalibus contractis matrimonia statim celebrentur;
ubi vero ex defectu aetatis seu alio canonico impedimento eodem tempore
contrahi non possit, ne liceat ipsis simul habitare seu in eadem domo
pernoctare, sub poena interdicti ab ecclesia et aliis arbitrio ordinarii, qui
severe procedat contra praedictos ad praescriptum concilii.
Sacerdotes, cappellani, etiam titulares, intra fines parochiae celebrantes
diebus festis solemnibus sacro missae peracto, in eorum cappellis ecclesiisve
ad praescriptum concilium provinciale conveniant ad parochialem
ecclesiam et missa conventuali aliisque diurnis officiis intersint, ii autem
qui vicini sunt tantum ad medium miliaris. Inposterum in diebus Paschae
resurectionis, Penthecostes, Corporis Christi et Sancti Martini, quibus
missa conventualis celebrari solet prope meridiem mane hora ita congrua
ut et populus ieiunius intersit, celebretur sub poena suspensionis. Processiones
quae intra fines huius parochiae fieri contigerit ne in posterum fiant
sine parochi licentia consensuve. In die Purificationis ne a clericis aliisve
personis candelae viris vel mulieribus distribuantur; sed laici ipsi quicumque
sint reverenter, ut decet, accedant et genibus flexis de manu sacerdotis
eas accipiant. Hoc idem prestent mulieres loco ita 7 congruo ne ea occassione
inter viros confuse vertentur.
Archipresbyter maiorem adhibeat diligentiam in festorum observatione
et ut vicarius foraneus contra eorum violatores ad praescriptum canonum
et conciliorum provincialium severe procedat, instabit. Parochi omnes ac 8
etiam regulares intra fines huius plebaniae existentes, [f. 858v] qui usu
atque consuetudine partem ecclesiae cereorum quae 9 in mortui funere
adhibentur archipresbyterali dare consueverunt, statim funeralibus ipsis
peractis archipresbitero illam integre consignent, nisi ex testatoris voluntate
officium celebrari opus erit, quo intra mensem peracto et non prius consignetur,
ut et officii 10 predicti usui esse possit. Fratres Sancti Francisci
ordinis Minorum, cum ad funeralia invitati accesserint, ad ecclesiam paro-
53