san carlo parte iniziale volume 5 valletrompia.qxd - Brixia Sacra

BRIXIA SACRA
In sacristia fiat oratorium infra mensem. De paramento violaceo et pulvinaribus
pro diversitate colorum et temporum ratione provideatur. A parte
evangelii, ut alias propositum fuit, et indicat porta iam ibi decenter facta,
sacristia construatur infra duos annos, in ea de paramentis et eorum finimentis
iuxta diversitatem colorum ecclesiasticorum, et aliis item, ut in
instructionibus generalibus commonstratum est, plene provideatur, ad quas
expensas pro tertia parte concurrat archipresbyter, pro duabus autem populus.
Et ubi sacristia suprascripta constituta fuerit, tollatur fornix loci illius
sub campanili, ubi nunc paramenta tenentur et funes campanarum ad pavimentum
[f. 889r] usque descendant, fiatque ostium campanilis in ecclesia
respondens, clauso altero ostio per quod dictum campanile a coemiterio
ascenditur. Suggesti scala in ecclesia construatur infra mensem et ostiolum,
nec extra ecclesiam a viridario suggestus ipse ascendatur in posterum.
Schola Sanctissimi Sacramenti et Beatae Virginis Mariae, quae cum non
docuerint de eius legitima erectione, erectae sunt iam nunc ab illustrissimo
visitatore, servent regulas ad usum provinciae Mediolanensis edendas.
Scholares Sanctissimi Sacramenti et Beatae Virginis Mariae episcopo exhibeant
iura et authentica legata reddituum, quos habent, qui provideat ut ad
legantium intentionem executioni demandentur, aut scholares legitimam
commutationem obtineant. Cum sanctissimum sacramentum ad infirmos
defertur, ultra quattuor illa intortitia, quam ea associatione adhiberi solent,
❚ Vobarno, Chiesa di Santa Maria della rocca.
126