san carlo parte iniziale volume 5 valletrompia.qxd - Brixia Sacra

BRIXIA SACRA
mentum etiam poenitentiae ministrare possit. Presbyter Bartholomeus
Bontempus suprascriptae ecclesiae cappellanus a ludis chartarum et a conversatione
Covae Cedronis omnino abstineat sub poena aureorum 25 fabricae
ecclesiae Sancti Antonii applicanda et ex caussis in processu visitationis
deductis et probatis a locis Decaneae et Sancti Antonii de Saxo infra octo
dies discedat, et per annos tres in illa ne ingrediatur neque inhabitet, nec ad
illa per milliare accedat, sub poena aureorum quinquaginta fabricae ecclesiae
Sancti Antonii suprascriptae applicandae.
In ecclesia Sancti Bartholomei loci Costae
Altare maius ad formam sepiatur et de mappis, paliis decentioribus infra mensem
provideatur. Altaria Sanctorum Antonii et Laurentii tollantur infra tres
dies. Altaris 16 Sancti Rochi bradella ad formam construatur. De cruce et candelabris
aeneis provideatur. Fenestellae cappellae Sancti Rochi apponantur
vitreae vel sperae e tela cerata infra quindecim dies. Caemiterium sepiatur et
mundetur a sterpibus et in eo crux erigatur. Ostio campanilis ponantur postes
infra octo dies. [f. 862v] Ligna ante portam ecclesiae infra diem tollantur.
In sacristia fiant oratorium et lavatorium ac armarium pro paramentis.
De paramento albi coloris infra sex menses provideatur. Item de purificatoriis,
corporalibus et de eorum bursis infra mensem. Vicini huius oratorii,
qui sunt numero 350 et per septem milliaria a parochiali distant iterque
adeo asperum et difficile est, ut multoties hyemis tempore ob nives et glaciem
archipresbyter Garagnani eorum curatus ad sacramenta ministranda
accedere non possit, provideant de annuo stipendio congruo, cum assignatione
decem ducatorum ex fructibus archipresbyteratus Garagnani, ut haec
ecclesia in parochialem per reverendissimum episcopum erigatur et interim,
cum assignatione decem ducatorum ut supra, provideant de sacerdote
qui praevio examine approbatus sacramentum paenitentiae ministrare possit.
Presbiter Andreas de Grandis suprascriptae ecclesiae cappellanus infra
duos menses prasentet se examini ceremoniarum 17 et mysteriorum missae.
In oratorio Sancti Gaudentii
Claudatur altare clathris ferreis vel saltem ligneis cancellis et de candelabris,
de cruce palioque decenti ac bradella provideatur. Nec antequam de suprascriptis
et aliis necessariis iudicio vicarii foranei provisum sit, in eo celebretur.
Septum caemiterii elevetur et ingressus claudatur, ne bestiis pateat.
58