san carlo parte iniziale volume 5 valletrompia.qxd - Brixia Sacra

BRIXIA SACRA
NUVOLERA, SAN LORENZO
[Decreta particularia, II, f. 1046r
Brescia, XXVII, q. 2, ff. 17r-v]
[Visita apostolica, V, pp. 213-215]
[f. 1046r] In ecclesia Sancti Laurentii curata loci Nebulariae
Presbyter Franciscus de Albertis titularis cappellaniae Consolationis Beatae
Virginis in hac ecclesia constitutae eiusque successores in animarum
curatione perseverent quemadmodum hactenus consueverunt, ut patet ex
visitatione quam reverendissimus episcopus Bollanus obivit anno 1565.
Universitas vero populusve huius loci eam pecuniae portionem pro titularis
ipsius animarum curam exercentis sustentatione persolvat in annos singulos,
quae ab ipso etiam nunc praestatur, is vero titularis hoc munere
nequaque fungatur nisi probationem eamque scripto exaratam a reverendissimo
episcopo impetrarit. Quod si ob imperitiam aliamve causam ad
curae animarum exercitium titularis ipse minime idoneus comperietur tunc
de reverendissimi episcopi iudicio congruentem mercedem alteri sacerdoti
assignet, qui suas partes in eo munere supleat.
CALVAGESE, SAN PIETRO D’ANTIOCHIA
[Decreta particularia, II, ff. 1046r-v
Brescia, XXVII, q. 2, ff. 17v-18r]
[Visita apostolica, V, pp. 353-360]
[f. 1046v] In ecclesia Sancti Petri Antiochiae parochiali Calvagesii
Baptisterium huius ecclesiae accommodetur ad praescriptum formulae quae
decretis tradita est sumptu populi quoad baptisterium et clathra, a quibus
claudatur. Cappella vero in qua erit baptisterium collocandum construatur
sumptu fructuum beneficii iam sequestro positorum. De altera cappella
septentrionali construenda nulla necessitas imponitur, sed relinquitur
populi arbitrio si quando pro facultate licebit. Altare Sanctissimi Sacramenti,
ut petitum est, cum titulo, emolumentis, oneribus et iuribus suis transfertur
ad altare dictum de Bolsonibus cum onere scholae illud ornandi et
reparandi ex praescripto decretorum visitationis atque ita non oportebit
fabricari cappellam meridionalem eo nomine ut antea decretum erat.
438