san carlo parte iniziale volume 5 valletrompia.qxd - Brixia Sacra

VALLE SABBIA
maiorem ecclesiae infra sex menses construatur. Feretra asserventur sub porticu
nova coemiterii. Fiat sacristia a parte meridionali cappellae maioris,
caveatur tamen ne fenestra cappellae maioris impediatur infra sex menses.
Vas olei et caetera, quae post altare reponuntur 1 , in sacristia vel alibi asservantur.
Provideatur de purificatoriis et corporalibus et de sacculis diversorum
colorum infra mensem. Provideatur de pallio et paramento albo ex panno
serico infra quattuor menses. Praeterea, quam primum poterit, comparentur
ad usum huius ecclesiae et sacristiae omnia quae de suppellectili parochialis
ecclesiae eiusve sacristiae in instructionibus commonstrata sunt.
Schola Sanctissimi Sacramenti, quae cum non docuerit de eius legitima
erectione, erecta iam nunc est ab illustrissimo visitatore, servet regulas ad
usum provinciae Mediolanensis edendas. Scholares singulo anno administrationum
rationes archipresbytero reddant.
Ex fructibus huius beneficii perpetuo habeatur sacerdos idoneus, qui a
reverendissimo ordinario approbatus, missas celebret et rectori in cura animarum
coadiuvet, prout consuevisse in visitatione compertum est. Clericus
item idoneus, qui missis et aliis divinis officiis parochialibus inserviat, ad
cuius clerici sustentationem titularis Sancti Vigilii pro ratione decem pro
centenario reddituum [f. 929v] eiusdem beneficii seu tituli contribuatur.
Archipresbyter et eius coadiutor in erudiendis pueris et aliis in doctrina
christiana, adhibitis etiam in hoc munere aliis ad praescriptum regularum doctrinae
christianae, se sollicitos praestent. Idem archipresbyter et eius coadiutor,
nisi legitime impediti sint, quotidie in ecclesia archipresbyterali, in oratoriis
autem eidem ecclesiae subiectis iis diebus, quibus ex antiqua consuetudine
et usu consueverunt, celebrent, etiamsi ad officia mortuorum extra parochiam
convocentur. Caveant autem in posterum ne festis aut etiam iis diebus,
quibus a rubricis expresse prohibetur, mortuorum missas celebrent.
Archipresbyter singulis diebus festivis sermones ad populum habeat aut
eo impedito coadiutorve, aliusve expensis archipresbyteri ab episcopo probatus.
Cum tempore quadragesimae et iubileorum ob numerositatem populi,
plures confessarii quam archipresbyter et eius coadiutor opus sint, si confessarii
conducentur iis archipresbyter habitationem et alimenta ministret,
populus autem congruum stipendium contribuat. Archipresbyter in posterum
in paramentis et reliquis suppellectilibus ecclesiae et sacristiae pro tertia
parte, populus autem pro duabus contribuat, prout etiam convenerunt.
[f. 930r] Presbyter Vincentius de Magrisgrassis, archipresbyter Abioni infra
225