san carlo parte iniziale volume 5 valletrompia.qxd - Brixia Sacra

BRIXIA SACRA
FOLZANO (BRESCIA), SAN SILVESTRO
[Decreta particularia, II, ff. 1049r-v
Brescia, XXVII, q. 2, ff. 20r-v]
[Visita apostolica, V, pp. 277-280]
[f. 1049r] In ecclesia Sancti Silvestri parochiali Infulciani
Presbyter Plebanus Ubertus parochus Infulciani a secularibus negotiis,
factionibus, controversiis et litibus abstineat, iis dumtaxat exceptis quae ad
parochiam et patrimonium suum tuendum pertinent; extra parochiae fines
ne 1 pernoctet nisi facultate saltem a vicario foraneo impetrata quae tamen
triduo amplius illi non suffragetur; ancillam cuius nunc opera utitur e
domo sua ad triduum emittat nec cum ea aliquod commercium consuetudinemve
directe vel indirecte habeat; in visitandis infirmis pueris doctrina
christiana erudiendis magis sollicitum et assiduum se praestet, proposita
poena quinquaginta scutorum locis piis arbitrio reverendissimi episcopi
applicandorum et suspensionis a divinis.
[f. 1049v] Reverendissimus episcopus in reliquis processum in visitatione
inchoatum perficiat ac causas in eodem processu deductas audiat, cognoscat
et fine debito terminet. Reverendissimus episcopus utriusque partis rationibus
auditis Ioannem de Balarinis et Dominicam de Tebaldinis iugales insimul
cohabitare cogat compellatque, propositis etiam poenis arbitrio suo.
1
Corretto su ni.
ISORELLA, SANTA MARIA
[Decreta particularia, II, ff. 1049v
Brescia, XXVII, q. 2, f. 20v]
[Visita apostolica, V, pp. 321-326]
[f. 1049v] In ecclesia Sanctae Mariae parochiali Isorellae
Terminus tabernaculi gestatorii, sumptu curati, ex decretorum editorum
praescripto comparandi ad sex menses prorogatur, quo decurso tempore,
nisi re ipsa id praestitum erit, idem parochus poenam dupli aliamque graviorem
reverendissimi episcopi arbitratu ipso facto incurrat.
442