san carlo parte iniziale volume 5 valletrompia.qxd - Brixia Sacra

BRIXIA SACRA
Redditus annui sunt librarum 510 planetarum. Regitur a duobus gubernatoribus,
qui singulo biennio a comunitate mutantur et curam habent
supellectilis fabricae, item dicti hospitalis ac visitandi et admittendi pauperes
infirmos in dicto hospitali. Adest etiam in dicto hospitali rector qui infirmos
et pauperes de mandato suprascriptorum gubernatorum scripto recipit.
Reddituum et administrationum curam habet massarius, quarum rationes
singulo anno communitati suprascriptae seu deputatis ab ea refert.
Hospitale Santi Rochi, Lazzaretum nuncupatum in capite lacus congruae
formae et amplitudinis, milliaris spatio a dicto loco Salodii distans, nuper
ceptum refici. In eo alias erat oratorium parvum Santi Rochi, verum ob
novam formam dicti hospitalis sublatum est constructis tantum quatuor
***, inter quas sub fornice propositum fuit de alio altare struendo. Redditus
nullos habet, sed a commune Salodii attribuiti fuere redditus annui
librarum 60 fabricae dicti hospitalis donec perfectum fuerit. In suprascripto
hospitali tempore pestis et contagii peste laborantes recipiuntur.
Legata pia. Adsunt nonnulla legata communitati facta cum onere ex
eorum [f. 726v] redditibus dotandi singulo anno puellas quinque pauperes
nuptui tradendas. Item aliud legatum aureorum 42 cum onere eas impendendi
in pauperes vestiendos, quibus legatis ab eadem comunitate satisfit.
Oratorium sine nomine in contrata Valle 10 a parte anteriori apertum, septum
tamen ferreis clatris cum unico altare sine redditibus, in quo quandoque
celebratur.
Oratorium Sanctae Mariae prope Salodium
Habet unicum altare sine redditibus, in quo quandoque ex devotione celebratur.
Sacristiam item et domunculam annexam.
Ecclesia Sancti Bernardi loci Sarnighae membrum parochialis ecclesiae
loci Salodii. Consecrata creditur. Altaria tria habet, videlicet altare maius
cum schola Sanctissimi Sacramenti, et alia duo indotata. In hac ecclesia est
legatum Antonii Levrangiis de Sarniga, in quo aggravat communitatem Sarnighae
ut heredem suum ad distribuendas duas partes fructum et reddituum
hereditatis in panes hominibus loci Sarnighae, tertiam autem partem in celebrationem
missarum in hac ecclesia, cuius tertiae partis redditus sunt librarum
20, quae cappellano curati Sancti Bartholomei dantur et oneri satisfacit.
290