san carlo parte iniziale volume 5 valletrompia.qxd - Brixia Sacra

BRIXIA SACRA
In ecclesia Sanctae Mariae loci Benzaghi
Provideatur de pyxide et tabernaculo pro processionibus ad formam infra
duos menses. Comparetur aliud vas baptisterii in quo distinctus sit locus
fontis baptismalis a sacrario infra annum. Congruum ciborium habeat et
integumentum atque sepiatur. Vas autem, in quo nunc aqua baptismalis
asservatur, usui esse poterit huic vel alii ecclesiae pro aqua benedicta. Sacrarium,
quod in calze altaris maioris est, tollatur et aliud in cappella maiori
fiat infra quindecim dies.
Altare maius et eius bradella ad formam reducantur. Cappella claudatur
a parte anteriori infra duos menses. [f. 934v] In fenestella cappellae a latere
evangelii oleum infirmorum asservetur. Alia sedilia in choro magis
decentia fiant infra duos menses. Tollantur altaria lateralia infra tres dies.
Fenestrae muniantur speris ex tela cerata. Sacristia construatur infra
annum. Fiant pallium album et planeta viridis coloris infra sex menses. Tollatur
vitis, quae est in coemiterio, et omnia arbusta infra tres dies, nec ante
in eo sepeliatur. Clericus in habitu, qui missis et officiis parochialibus
inserviat, a populo habeatur.
Schola haec Sanctissimi Sacramenti, quae cum non docuerit de eius legitima
erectione, erecta iam nunc est ab illustrissimo visitatore servet regulas
ad usum provinciae Mediolanensis edendas. Idem scholares singulo anno
administrationum rationes reddant curato.
In oratorio Sanctorum Gervasii et Prothasii
Altare reducatur ad formam cum bradella. Provideatur de cruce, candelabris
et pallio. Soffita ex assidibus conficiatur. Fenestrae duae fiant et clathris ferreis
muniantur. Eleemosynarum, si quae fiunt, curam habeat curatus Agnosinae
easque impendant in reparationem suprascripti oratorii. Altare sub porticu
omnino infra unum diem tollatur [f. 935r] nec antequam de suprascriptis
et aliis necessariis iudicio vicarii foranei provisum sit, in eo celebretur.
236