san carlo parte iniziale volume 5 valletrompia.qxd - Brixia Sacra

DECRETI AGGIUNTI
III. SEBINO, FRANCIACORTA
E BASSA OCCIDENTALE
BRANDICO, SANTA MARIA
[Decreta particularia, II, ff. 996r-v
Brescia, XXXIV, q. 5, ff. 41r-v]
[Visita apostolica, III, pp. 393-396]
[f. 996r] In ecclesia Sanctae Mariae archipresbiteratus
nuncupata loci Brandici
Altare Beatae Virginis Mariae aptetur ad formam instructionum, pavimentum
huius capellae lateritio opere sternatur, adhibita ea cautione ne reliquum
ecclesiae solum excedat. Capella huius altaris sub arcu cancellis
decentibus claudatur. Parietes huius capellae incrustentur et dealbentur
decenter. Tectum huius capelle concinetur ne aqua pluvia in ecclesiam instillet.
Altare hoc instruatur cruce et candelabris ex orichalco, altari portatili,
mappis tribus et palliis variorum colorum e serico panno vel zambelloto,
planeta item e damasco albo cum omnibus suis ornamentis idque omne prestetur
ex fructibus clericatus huius altaris, qui ad praedictorum executionem
sequestro ponantur et opportune relaxentur etiam a vicario foraneo.
Reverendus dominus Alexander Durantus clericus titularis ad sustentationem
clerici in parochiali ecclesia ministrantis conferat quicquid reverendissimus
ordinarius expedire censuerit ut est huius diocesis usus. Rursus aliqua
etiam ex redditibus dicti clericatus rata portio eiusdem reverendissimi ordinarii
iudicio in huius ecclesiae reparationem ornatumve impendantur eaque de
causa fructus omnes sequestro ponantur et fiant opportunae relaxationes.
Reverendus presbyter Christophorus Pilattus, cui ex fructibus huius
archipresbiteralis beneficii quadraginta aurei nummi pensionis nomine
persolvuntur, ex his viginti decem scilicet iam ab hac die usque ad Natalem
Domini Nostri anni presentis, reliquam vero partem intra eam futuram
celebritatem Nativitatis Sancti Ioannis Baptistae eroget omnino iuxta obliga-
[f. 996v] tionem et promissionem per eum factam, de qua in actis visitationis.
Hanc vero summam prestituto tempore titularis penes se retineat
eamque thesaurario scholae Corporis Christi eroget in praedictae ecclesiae
361