san carlo parte iniziale volume 5 valletrompia.qxd - Brixia Sacra

SALÒ
magistratibus; hoc in loco fiant alii tres gradus marmorei in transverso
totius capellae et in superiori gradu fiat balaustrum marmoreum vel
nuceum in hocque plano superiori erit chorus sacerdotum, quod [f. 950r]
planum perveniet usque ad alios gradus altaris quod e suo loco non amoveatur,
sed icona tantum aliquantulum elevetur. A spacio inferiori capellae
quod magistratibus relinquitur sedilia nucea, quae formam chori ecclesia[e]
exhibent tollantur et alia stabilia fiant vel etiam gestatoria ad formam
instructionum et haec omnia intra tres menses praestentur. Lectorilia duo
amovibilia intra mensem fiant, quorum alterum a parte dextra, alterum a
sinistra collocetur infixum choro et tollatur illud magnum quod aspectum
altaris impedit, muro obturetur infra tres dies.
Ostium in choro 2 a tergo altaris maioris fenestella item superior, per
quam e cubiculo in dictam capellam introspectatur. Sacrarium capellae maioris
extruatur ad formam infra mensem. Altaria omnia quae in corpore ecclesiae
sunt, videlicet Sancti Michaelis, Sancti Antonii, Sanctorum Iacobi et
Philippi, Sanctissimi Nominis Iesu, Sancti Sebastiani, Sancti Antonii de
Padua, Sanctissimae Trinitatis, Sancti Ludovici, Sancti Marci intra tres dies
tollantur et interim oneribus eorum satisfiat ad altaria, maius videlicet, Sancti
Georgii et Sancti Stephani donec alia ut infra construantur cum capella vel
nicia extra parietem et in locis infra constructis. Quae omnia ab utroque latere
sibi invicem respondeant et conveniant in latitudine et altitudine et structura
iuxta formam instructionum, quamvis ornamenta possint esse diversa
[f. 950v] ex praescripto tamen earundem instructionum ut facilius praestetur
cum iis decretis traditur, forma etiam delineata capellarum construendarum
ad cuius formae praescriptum ut omnes et singulae construantur curae sit
archipresbitero seu vicario foraneo tum etiam praefectis fabricae ecclesiae a
communitate electis, quamobrem capellaniae, scholae et privatae familiae,
quae altaria et capellas praedictas aedificabunt aut ornabunt cum iisdem conferent
aut cum illorum perito quicquid ad hoc pertinebit.
Locus super altari Sanctae Catharinae olim supposita scala qua notabile
damnum venustati ecclesiae vel vicinae capellae non afferatur esse poterit
pro lectorili amboneve evangelii in missis solemnibus. Idem fiat de alio
loco super altari olim Sancti Ioseph pro lectione epistolae. Agatur per
scholares et praefectos ecclesiae coram ordinario qui etiam ex officio contra
haeredes domini Nicolai Tacconi summarie et per censuras ecclesiasticas
procedat, ut iuxta legatum dicti Nicolai dotent suprascriptum altare
295