san carlo parte iniziale volume 5 valletrompia.qxd - Brixia Sacra

BRIXIA SACRA
his quae ad defensionem bonorum [f. 883v] et iurium suae ecclesiae fieri
opus erit iuditio reverendissimi episcopi. Et in visitandis infirmis, in ministrandis
sacramentis, in erudiendis subditis in doctrina christiana et in aliis
officiis parochialibus praestandis magis assiduum et sollicitum se praebeat.
In posterum indulgentiae concessae a sanctissimo Domino Nostro ecclesiae
Sancti Petri publicentur iussu reverendissimi episcopi ad praescriptum
concili Tridentini et provincialis quinti quotannis stato tempore. Eleemosynae
item, quae praedictarum indulgentiarum occasione a fidelibus offeruntur
per tres de populo ab eodem episcopo deputandos gratis colligantur
cum interventu rectoris ecclesiae pro tempore existentis, et ecclesiae ornatui
reparationive omnino attribuantur, et in his providendis, quae magis
necessaria, opportunave censuerit episcopus.
Cum in visitatione repertum fuerit complures diebus festis ad arcam
quandam, quae subdio est, in loco Sancti Petri de Liano concurrere et praesertim
in festo Sancti Petri ad Vincula, ad auriendam aquam, bibendi et
asportandi caussa, quam ipsi dicebant ex ossibus quibusdam in ea reconditis
scaturire perpetuo 6 , de quo tamen nulla adest certitudo neque approbatio,
quinimo eo ipso die, accedente ipso illustrissimo domino visitatore ad
arcam illam, visa est modica admodum quantitas aquae, et suborta suspicione
fraude aliqua, vel ex penetratione aquae pluvialis extet, quare visum
fuit illustrissimo et [f. 884r] reverendissimo domino in rei veritatem diligentius
indagare et die quinto augusti missit reverendissimum dominum
Iacobum Rovellium episcopum Ebronensem et electum Feltrensem, presbyterum
Bernardinum Tarusium, ac presbyterum Ludovicum Monetam,
adhibitis etiam aliis viris probis, qui ossa illa ex arca extraxerunt et illa et
arcam etiam aquam purgaverunt et per septem horas continuas observaverunt
nec unquam ne gutta quidem ex ossibus nec arca emanavit, ut patet ex
processu eodem die facto per notarium visitationis, quin etiam die septimo
per eundem presbyterum Ludovicum Monetam et parochum ac homines
eiusdem loci revisa arca, sicca reperta fuit.
Propterea illustrissimus dominus visitator, illius etiam populi rogatu, ut
rei veritas exploratius cognoscatur, decrevit ut arca illa undique muro saltem
brachii unius bene conglutinato sepiatur in quo nullum foramen rimulave
sit, constructa etiam super eam fornice, quae fornix operiatur tegulis et
murus totus incrustetur, quae omnia fiant praesente eodem reverendissimo
domino Rovellio episcopo nec non etiam vicario generali reverendissimi
112