san carlo parte iniziale volume 5 valletrompia.qxd - Brixia Sacra

RIVIERA DEL GARDA
Bogliaco (Gargnano), San Pietro d’Agrino
[a. Acta visitationis, ff. 663v-666r
Brescia, XXXIII, ff. 12v-15r]
[b. Decreta particularia, ff. 864r-867v, 1055r-1055v
Brescia, XXV, ff. 82r-85r; XXXV, ff. 192v-194v]
[a. CHIESA PARROCCHIALE DI SAN PIETRO DI AGRINO]
[f. 663v] Die 28 aprilis praedicti anni
Visitavit 1 parochialem ecclesiam Sancti Petri Agrini, et intra eius fines deinceps
infrascriptas ecclesias, capellas, oratoria, scholas, et pia loca. Non consecratam,
pulchram tamen et amplam, in qua compertum est Sanctissimum
Sacramentum, coram quo lampas impensis rectoris assidue collucet. Baptisterium,
sed [f. 664r] loco incongruo. Altaria septem, videlicet altare maius,
altare Corporis Christi cum schola ut infra, cuius scholares in eo tertia
dominica cuiuslibet mensis partim ex eleemosynis, partim ex legatis quibusdam
parvi momenti celebrare faciunt. Altare Sancti Laurentii habet legatum
librarum undecim planetarum in annum factum a Iacobo quondam
Petri de Agrino cum onere celebrationis missae singulis diebus mercurii,
quos redditus curatus percipit et satisfacit. Altare Sanctorum Ioannis Baptistae
et Vincentii habet capellaniam de iurepatronatus, ut dicitur, illorum de
Pullis, cuius redditus annui sunt ducatorum 20. Onus vero celebrandi quotidie
cum facultate tamen ordinario illud reducendi prout sibi placuerit.
Titularis est Dominicus de Pullis clericus, qui de titulo beneficii docuit, sed
non de prima tonsura, intellegit, et quo ad mores et studia videtur bonae
spei. Est annorum 18 et habitat in suprascripta parochiali in domo paterna,
et oneri suprascriptae capellae satisfacit diebus festis per fratres conventuales
Sancti Francisci loci Gargnani, diebus vero ferialibus per presbyterum
Iacobum de Contis. Idem altare habet etiam scholam Rosarii, de qua infra.
Altare Conceptionis Beatae Virginis Mariae habet legatum librarum centum
semel tantum per Bartholomeum de Moranis conditum, cui non est
satisfactum. Altare Sanctae Crucis, cum schola de qua infra, cuius scholares
2ª dominica cuiuslibet mensis ex devotione [f. 664v] celebrari curant. Adest
etiam relictum pium Luciae cuiusdam relicte 2 per quondam Leonardum
65