san carlo parte iniziale volume 5 valletrompia.qxd - Brixia Sacra

BRIXIA SACRA
sacculis item corporalium, de velis pro diversitate colorum, de vase pro
lavandis purificatoriis infra mensem. Provideatur item quam primum de
omnia alia supellectile, quae ex [f. 877r] praescripto instructionum generalium
parochiali ecclesiae et sacristiae necessaria esse commonstratum est.
Bonum esset si sacristia nova iuxta cappellam maiorem construeretur
absque transitu in domum archipresbiteri et in sacristia veteri construi
poterit schala pro domo archipresbiteri, quoniam alia demolienda est et
sub schala fiat ostium per quod a domo in ecclesiam pateat accessus.
Archipresbiter infra quattuor menses in domibus archipresbiteralibus
prope ecclesiam habitet, ibidem dormiat et cibum capiat sub poena aureorum
quinquaginta fabricae ecclesiae applicandorum et aliis poenis a iure
statutis; et interim illa domus archipresbiteralis instauretur et ab altera
domo in qua coloni habitant penitus muris separetur. Ex fructibus huius
parochialis beneficii, ut hactenus consuevisse in visitatione compertum est,
sustineatur sacerdos qui missas celebret ac etiam si ex usu, aliove iure ad id
archipresbiterum teneri ordinarius compererit, adeo idoneus sit ut eidem 5
archipresbitero in administratione sacramentorum ac cura animarum coadiuvet.
Ex iisdem fructibus clericus idoneus, qui in habitu inserviat missis
et aliis officiis parochialibus perpetuo habeatur.
In solemnitate Sanctissimi Sacramenti et alias etiam cum sanctissima
eucharistia circumfertur in altaribus quae in via et plateis parantur ne deponatur,
[f. 877v] sed recto ordine procedente ad ecclesiam, ad quam defertur,
etiam reportetur ea in processione et in aliis etiam cura sit archipresbiteri
ne actiones prae foribus aedium aut in via contra provincialia decreta
repraesententur, proposita etiam si opus erit poena interdicti ab ingressu
ecclesiae repraesentantibus.
Schola Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore, servet regulas ad
usum communem provinciae Mediolanensis edendas. Scholares administrationum
rationes singulo anno 6 archipresbitero vel vicario foraneo reddant.
In erudiendis pueris et aliis in institutione christiana, archipresbiter
et coadiutor quam poterunt assidui et solliciti sint diebus praesertim festivis
ea hora qua in eorum scholis exercendis sunt, ad eos quoque spirituales
sermones et exhortationes habeant.
Cum usu compertum sit in loco Maderni et aliis totius Ripariae locis ob
olei et piscium commoditatem abbundantiamve quadragesimae diebus
98