san carlo parte iniziale volume 5 valletrompia.qxd - Brixia Sacra

VALLE SABBIA
Sabbio Chiese, San Michele
[a. Acta visitationis, ff. 707v-709r
Brescia, XXXIII, q. 1, ff. 61r-62v
U. VAGLIA, Storia della Valle Sabbia. Documenti, II, Brescia 1970 2 , pp. 183-186]
[b. Decreta particularia, ff. 942r-945v
Brescia, XXV, q. 1, ff. 12r-15r; XXXV, q. 25, ff. 270r-272v]
[a. CHIESA PARROCCHIALE DI SAN MICHELE DI SABBIO]
[f. 707v] Die XIIII maii 1580
Visitavit parochialem ecclesiam Sancti Michaelis loci Sabii, et deinceps
intra eius fines infrascriptas scholas, ecclesias, cappellas, oratoria et pia
loca. Non consecratam, amplam et ornatam, atque in ea Sanctissimum
Sacramentum, ante quod lampas impensis rectoris assidue ardet. Baptisterium
non ad formam et loco incongruo. Altaria quattuor, videlicet altare
maius, altare Sanctissimi Sacramenti cum schola, et duo altaria indotata.
Coemiterium clausum, sacristiam et domum parochialem ecclesiae
annexam. In fabricam ecclesiae ex collectis populus incumbit. Redditus
annui huius parochialis ecclesiae sunt ducatorum centum, vel circa.
Titularis est presbyter Franciscus Barutius annorum 52, de ordinibus et
de titulo docuit. Scientia vix ferendus in munere parochi, quo fungitur, [f.
708r] processatus de concubinatu, de incontinentia, de mercatura, avarus,
rixosus, delatus item de veneficiis et de falsificatione bullarum. Clericum
non habet et in suprascriptis aedibus parochialibus habitat. Animae sunt
1400, quae sacram communionem sumunt 800 vel circa. Schola Doctrinae
christianae nulla fere exercetur. Schola Sanctissimi Sacramenti caret redditibus
et erectione: habet regulas, sed non comprobatas. Eleemosynae
annuae esse poterunt librarum 20, quae in cereos, praeterea etiam in panes,
qui pauperibus distribuuntur, impenduntur. Regitur a quattuor deputatis,
qui singulo anno mutantur a societate coram curato, cui etiam administrationum
rationes redduntur. Adsunt nonnulla legata communitati facta,
quorum redditus sunt annui librarum 20, ex quibus panes emuntur, et in
die veneris sancti indistinctim pauperibus et divitibus distribuuntur.
Ecclesia Sanctae Mariae Annunciationis in Arce in duas ecclesias distincta,
quarum altera superior, altera inferior. Inferior ornata habet duo altaria,
251