san carlo parte iniziale volume 5 valletrompia.qxd - Brixia Sacra

BRIXIA SACRA
quo nunc aqua baptismalis asservatur, usui esse poterit huic vel alteri ecclesiae
pro aqua benedicta. A parte sinistra ad introitum portae maioris in
pariete excavetur nicia, ut 1 sub eius fornice baptisterium statuatur, ornetur
et claudatur ad formam infra sex menses.
Altaris maioris bradella ad formam reducatur. Fenestrae cappellae maioris
muniantur vitreis. In choro fiant sedilia. Claudantur cappellae clathris
ferreis a parte anteriori sub arcu crucifixi infra quattuor menses. Fenestella,
in qua alias asservabatur Sanctissimum Sacramentum, ornetur ad formam
et in ea oleum infirmorum asservetur. Parietes cappellae prope sacristiam
incrustentur et dealbentur infra mensem.
[f. 935v] Altare Sanctissimi Sacramenti transferatur sub fornice, quae extat
a parte evangelii extra cappellam maiorem e regione altaris Sancti Rochi; ornetur
et a duabus partibus altaris clathris ferreis claudatur infra tres menses. Fornix
vel nicia, in qua erat altare suprascriptum Sanctissimi Sacramenti, claudatur
pariete et sit pro asservandis suppellectilibus scholae Sanctissimi Sacramenti.
Si infra mensem sepulturae illorum de Lancis ita opertae non fuerint,
ut os earum extra niciam altaris Sanctissimi Sacramenti ut supra claudendum
remaneat, obstruatur pavimento, ut amplius usui esse non possint.
Altare Sancti Antonii et eius bradella ad formam reducatur. Fiat icona
infra quattuor menses. Provideatur de duobus palliis, altero coloris albi et
de altero violacei. Claudatur a tribus partibus clathris ferreis et ad formam
reducatur infra quattuor menses. Integumentum altaris ita promineat versus
ecclesiam ut sacerdotem etiam celebrantem tegat. Altare Sanctae
Mariae augeatur ad formam et eadem quae de clathris, de integumento in
suprascripto altare Sancti Antonii praescripta sunt, in hoc praestentur.
Praeterea de cruce, candelabris provideatur et, si haec omnia infra quattuor
menses praestita non erunt, eo termino [f. 936r] elapso, infra biduum
suprascripta duo altaria omnino tollantur.
Ab altare Sancti Rochi tollantur gradus lignei praeter unum et altare
ipsum ad mensuram restringatur et elongetur. Bradella ad formam reducatur.
Fiat icona infra duos menses. Provideatur de cruce aenea et candelabris.
Claudatur clathris ferreis a duabus partibus. Provideatur de pallio infra
mensem et haec omnia expensis patronorum, qui si in suprascriptis negligentes
fuerint, elapso termino duorum mensium, ut supra, altare tollatur.
Obturetur muro ostium campanilis a parte epistolae et fiat aliud ab
extrinseco ecclesiae, videatur tamen ne ex hoc aliquod damnum inferatur
240