san carlo parte iniziale volume 5 valletrompia.qxd - Brixia Sacra

DECRETI AGGIUNTI
rum Franciscum alias huius ecclesiae cappellanum, informationes assumat
et processum conficiat et contra dictum presbiterum Franciscum agat, ut
iuris fuerit etc.
IRMA, SAN LORENZO
[Decreta particularia, II, ff. 1034v-1035r
Brescia, XXX, q. 19, ff. (3-5)]
[Visita apostolica, V, pp. 159-161]
[f. 1034v] In ecclesia Sancti Laurentii loci Hermae
Reverendissimus ordinarius ex officio omni iuris ratione, implorato etiam
brachii secularis auxilio, cogat Marcum, Ioannem Mariam et Baptistam de
Venturis iam excommunicatos, denunciatos ob illegitimam bonorum ecclesiae
parochialis Hermae occupationem ad eorundem bonorum, una cum fructibus
indebite perceptis, restitutionem; caveatque prout iuris erit ne praedicti
de Venturis ab excommunicationis vinculo absolvantur nisi prius legitima
facultate impetrata et re ipsa facta eiusmodi restitutione, quod si contumaces
fuerint, in illos praeterea aliis etiam poenis ad iuris praescriptum agatur.
[f. 1035r] Solemnibus et festis diebus, etiam de consuetudine et voto,
curatus pro tempore celebret in ecclesia parochiali Sancti Laurentii dumtaxat,
in qua etiam celebret secundam missam in aurora die Natalis Domini
et non in loco Hermae. Matrimonia item et eorum occasione missas nec
non triduanas processiones aliasve quae iussu superiorum pro tempore indicentur,
tantum in parochiali ecclesia celebret nisi forte ex causa de licentia
reverendissimi ordinarii, alibi haec omnia fieri concederetur. Quibus vero
diebus exequiae et funeralia in ecclesia parochiali persolventur in aliis ecclesiis
missae sacrum non fiat. Si Sanctissimum Sacramentum eucharistiae
infirmis ministrandum erit diebus ferialibus missam celebret in ecclesia loci
infirmi, etiam si eo die alio in loco ex praescripto ordinationum celebrare
teneretur, diebus tamen festis in parochiali tantum celebret a qua Sanctissimum
Sacramentum ad infirmos deferatur.
In ecclesia Sanctissimae Trinitatis de Herma celebret die festo eiusdem
ecclesiae et feria tertia ac sabbato cuiuslibet hebdomadae; si tamen his diebus
caderet festum vel processio aliaque ut supra eo casu in ecclesia paro-
421