san carlo parte iniziale volume 5 valletrompia.qxd - Brixia Sacra

BRIXIA SACRA
approbata aliud coegerit facere sub poena aureorum decem pro qualibet
vice fabricae ecclesiae archipresbyteralis suprascripti loci Buarni applicandorum,
et plenius conscientiae suae super fructus hactenus perceptos tempore
absentiae consulat. Ne in posterum in domo sua idem archipresbyter
ad habitandum retineat presbyterum Tadeum vagantem nec absque licentia
ordinarii eum in ecclesia sua celebrare permittat.
In oratorio Sancti Rochi loci Buarni
Sera et clave, quae apud archipresbyterum asserventur, claudatur infra tres
dies. Fenestra inferior, per quam e via introspicitur, infra octo dies muro
obstruatur nec ante ibi celebretur. Videat reverendissimus ordinarius ne
vicinus, ut in facie eiusdem prohibitum est in [f. 890v] visitatione sub poena
aureorum centum, occupet parietem in frontispicio oratorii fabricando
propriam domum. In ipso oratorio institutio christiana feminarum exerceri
poterit.
In oratorio Sancti Ioannis Baptistae
Ligna et alia indecentia ab oratorio tollantur et claudantur, nec in eo celebretur,
donec ornatum sit et altare de septo, candelabris, cruce, paliis, mappis
et aliis necessariis iudicio ordinarii provisum sit.
In ecclesia Sanctae Mariae in arce Boarni
Crucifixus sub arcu cappellae super trabe picta collocetur. Cappella pingatur
infra tres menses et fenestrae vitreis muniantur. Clathris ferreis in
ingressu claudatur infra sex menses. Fenestella super arcu crucifixi obturetur.
De labio aquae benedictae provideatur. Sacristia tegulis etiam aeneis
firmiter operiatur, ne ita facile a ventorum impetu discoperiatur, et in ea
oratorium, lavatorium ac paramentorum armarium conficiantur. Comparentur
praeterea ad usum huius ecclesiae quam primum poterit omnia quae
de supellectili cappellae in instructionibus commonstrata sunt. A cappella
exteriori veteres statuae Beatae Virginis Mariae infra tres dies amoveantur.
Cisternae aquarum, quae in dicta cappella sunt pro Montis usu, humo [f.
891r] impleantur et pavimentum adequetur, vel illis remanentibus tollatur
altare infra mensem, nec restituatur nisi sublatis cisternis.
In praeiudicium presbyteri Francisci Forlini curati ammovibilis Levrengiorum
titularis ecclesiae suprascriptae qui habet onus celebrandi singulis
128