san carlo parte iniziale volume 5 valletrompia.qxd - Brixia Sacra

RIVIERA DEL GARDA
[b.] [f. 863v] In ecclesia parochiali Beatae Virginis Mariae loci Navacii
Tabernaculum aliud ligneum decens infra tres menses fiat. Pyxis ad formam
aptetur infra mensem. Tabernaculum pro processionibus cum lunula ad formam
reducatur. Vas aliud baptisterii, in quo sit distinctus locus fontis baptismalis
a loco sacrarii, ad tertiam formam instructionum cum suo ciborio congruo
infra annum comparetur, sepiatur et integumentum habeat ad formam.
Provideatur de vasibus et scatulis oleorum sacrorum ad formam. Capella
maior elongetur et in ingressu clathra ferrea sepiatur, prout promissum est in
visitatione, infra annum et interim bradellae altaris maioris nimis altae alius
inferior gradus addatur. Altare Sancti Rochi tollatur et iam nunc eius onera et
emolumenta transferuntur ad altare maius. Altaria duo lateralia ornentur et
provideantur de necessariis et cancellis ligneis claudantur. Petrus de Borghis
quod debet ex legato, termino quo tenetur, cum interventu curati expendat in
ornamentis et in 1 septum ex clathris ferreis ad altare Sancti Ioseph.
Fiat labium aquae benedictae decens ad portam maiorem. Sacrarium fiat
in cappella maiori infra mensem. Caemiterium claudatur et adequetur ac in
eo crux erigatur. Sacristia alia maior et decentior ubi nunc exstat vetus construatur
infra annum. [f. 864r] De alia laterna astata et baldachino provideatur,
thuribulum aptetur. Calices prophanati inaurentur; de corporalibus,
purificatoriis et vase pro eorum ablutione et paramento albo item provideatur.
Fiant oratorium, lavatorium et armarium pro paramentis asservandis.
Praeterea comparentur omnia quam primum ad usum huius ecclesiae
et eius sacristiae, quae in instructionibus generalibus de suppellectile
parochialis ecclesiae commonstrata sunt.
Schola Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore 2 , servet regulas ad
usum communem provinciae Mediolanensis edendas. Scholares administrationum
rationem vicario foraneo vel archipresbitero quotannis referant.
Populus clericum in habitu manuteneat, qui missis et aliis officiis
parochialibus inserviat. Presbiter Dominicus de Moranis suprascriptae
ecclesiae curatus infra tres menses praesentet se examini casuum conscientiae
coram ordinario.
1
Aggiunto in interlinea.
2
Aggiunto in interlinea.
63