áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
ოქროსისრიან ფოიბოსის, ვინც დაავალა<br />
510 ტროელთ შეწევნა, დანაელთა მძლავრი ქომაგი<br />
ათენა რაკი დაიგულა სხვაგან წასული.<br />
თვით ენეასი გამოიხმო მაღალ ტაძრიდან,<br />
და განამტკიცა ხალხთა მწყემსის მკერდი მამაცი.<br />
დადგა ენეას სპათა შორის კვლავ დიდებული,<br />
515 ყველას ეამა, როს იხილეს გმირი უვნებლად,<br />
მაგრამ შეკითხვა ვერვინ მისცა, სხვა დარდი ჰქონდათ,<br />
სხვას რასმე ვერცხლისმშვილდოსანი აიძულებდა,<br />
კაცთა მმუსვრელი არესი და შმაგი ერისი.<br />
ამ დროს ორივე აიანტი, მძლე დიომედე<br />
520 და ოდისევსი ბრძოლის ჟინით სპას აღაგზნებდნენ,<br />
მაგრამ თვითონაც ტროელთ შიში არ ჰქონდა ლაშქარს.<br />
ურყევად იდგნენ და ელოდნენ, ვით ღრუბლის ქულა,<br />
უქარო დღეს რომ წამოქუფრავს მთაზე კრონიდი.<br />
წევს ჩაშავებულ-ჩაჟამებული, სანამდის სძინავს<br />
525 ქარ-ბორეასს და სხვა ქარიშხალს, რომელთა ბაგე<br />
მძლავრი შებერვით ცაზე ღრუბლებს წამოშლის ხოლმე.<br />
ასე ელოდნენ გულუშიშრად ტროელთ მოყმენი,<br />
ხოლო ატრიდი ამხნევებდა დანაელთ ლაშქარს:<br />
”იყავით მხნენი, აღამაღლეთ სული მედგარი,<br />
530 მებრძოლს რცხვენოდეს ბრძოლის ველზე თანამებრძოლის,<br />
ვინც გრძნობს ამ სირცხვილს, უფრო მეტად ის გადარჩება,<br />
ხოლო ლტოლვილი ვერც ხსნას ჰპოვებს და ვერც დიდებას!”<br />
თქვა და მყის შუბი მეწინავე ვაჟკაცსა სტყორცნა -<br />
მამაც მეგობარს ენეასის, მძლე დეიკოონტს,<br />
535 პერგასიდს; ტროელთ პრიამოსის ძეთა შორისაც<br />
არ ერჩოდათ, ისე ომში უწევდა გული.<br />
ფარში უწონა შუბი გმირმა აგამენონმა,<br />
ფარმა კი ვეღარ შეაჩერა ბასრი სპილენძი,<br />
სარტყელსაც გასცდა და ჩაიფლო მუცელში შუბი,<br />
540 მიწას დაასკდა, აგრუხუნდა მოყმის აბჯარი.<br />
დასცა დანაელთ გმირნი მაშინ მძლე ენეასმა -<br />
დიოკლეს ძენი კრეთონი და ორსილოქოსი.<br />
მათი მშობელი იყო ფერეს მკვიდრი მდიდარი,<br />
გვარი მოსდგამდა ალფეიოს-მდინარისაგან,<br />
545 რომლის ნაკადი პილიონის მიწას ჩაუდის.<br />
მან შვა მრავალთა მოყმეთ მეფე ორსილოქოსი.<br />
ორსილოქოსმა შვა დიოკლეს დიდსულოვანი,<br />
ხოლო დიოკლესს შეეძინა ტყუპი ვაჟები -<br />
ორსილოქოსი და კრეთონი ბრძოლანაცადნი,<br />
550 ორი ვაჟაცი, მოწიფული, შავფერდა გემით<br />
არგიველთ მოჰყვნენ ცხენმრავალი ტროის მხარეში,<br />
ატრევის ძეებს - აგამენონს და მენელაოსს;<br />
103