áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
ფარ-შიმშერიან ტროელთ სპა ბრძოლად დაიძრა.<br />
კვლავ აღიჭურვა და აღინთო სრულად ლაშქარი.<br />
იქ ვერ ნახავდი აგამენონს ჩათვლემილს უქმად,<br />
შემკრთალს, შედრეკილს, თუ ბრძოლისგან თავმოძულებულს.<br />
225 ომს ესწრაფოდა სახელის და დიდების მომტანს.<br />
რვალით ელვარე ეტლი დათმო, გაუშვა რაში -<br />
ძლივს ამაგრებდა მოჭიხვინე ცხენს მეჯინიბე<br />
ევრიმედონტი, ზე ჰეირად პტოლემეოსის.<br />
უბრძანა ახლოს ყოფილიყო, სანამდის ლაშქარს<br />
230 შემოივლიდა და საომრად სპას დააწყობდა.<br />
ფეხდაფეხ გაჰყვა მებრძოლთ რიგებს აგამენონი.<br />
სადაც კი შეხვდა სწრაფცხენიან დანაელ მებრძოლს,<br />
უფრო აღაგზნო საბრძოლველად მგზენებარე სიტყვით:<br />
”ო, არგიველნო! სიმამაცე მოიხმეთ შმაგი!<br />
235 დიადი ზევსი არ იქნება ვერაგთა შემწე,<br />
ფიცის გამტეხთა, პირველ ჩვენთა შემგინებელთა!<br />
დაიჩეხება ხმლებით მათი თეთრი სხეული,<br />
საყვარელ ცოლებს და ძუძუთა ბავშვებს მოვტაცებთ,<br />
ხომალდზე დავსხამთ, როცა ქალაქს მოვუღებთ ბოლოს!”<br />
240 და თუ ნახავდა - ბრძოლას ვინმე თვალს არიდებდა,<br />
არ დაინდობდა, შესძახებდა განრისხებული:<br />
”ვაი, სირცხვილო! არგიველნო! თქვე უბადრუკნო,<br />
მხდალი შველივით რას გაშეშდით ზარდაცემულნი<br />
ველზე გაჭრილნი შედგებიან ხოლმე მაშვრალნი<br />
245 და მათ ძარღვებში არ ბოგინობს სული და ძალა.<br />
თქვენც ასე დგახართ და აყოვნებთ ბრძოლის დაწყებას.<br />
განა მოელით, სანამ მოვა ყველა ტროელი<br />
ჩვენს ხომალდებთან, აქაფებულ, თეთრ ზღვის კიდეზე,<br />
რომ იქ გაიგოთ, თუ რა ხეირს დაგაყრით ზევსი”<br />
250 ასე უვლიდა, ამხნევებდა მებრძოლთა რიგებს,<br />
მიადგა კრეტელთ, როცა განვლო მხედართა დასი.<br />
იდომენევსთან იდგნენ, ბრძოოლად ემზადებოდნენ<br />
მათი ბელადი ტახსა ჰგავდა გამძვინვარებულს,<br />
იქვე ფალანგებს აღაგზნებდა მხნე მერიონე.<br />
255 მათი შემყურე აგამენონ აივსო ლხენით<br />
და იდომენევსს ტკბილი სიტყვით მიმართა მოყმემ:<br />
”გმირო, ცხენმრავალ დანაელთა მებრძოლებს შორის<br />
ომშიც, საქმეშიც მუმდა მყავხარ გამორჩეული,<br />
ზეიმის ჟამსაც, როცა მწდენი შუშხუნა ღვინოს<br />
260 შეუზავებენ მონადიმე არგიველთ ხოლმე.<br />
და წინამძღოლნი თმახუჭუჭა აქაველების<br />
შეექცევიან სასმისს, მაგრამ შენი ფიალა<br />
83