áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
”უკვდავთ სადარო აქილევსო, მოიგონებდე<br />
მამას, ჩემსავით სიბერის ზღუბლს მიწევნილს, მხცოვანს!<br />
ვინ იცის, ახლა გარს ეხვევა ეგების მტერი,<br />
არვის არ ძალუძს იხსნას იგი განსაცდელისგან.<br />
490 მაგრამ შენ როცა ეგულები, ხარობს ის შენით<br />
და ცისმარე დღე იმედი აქვს შვილთან შეხვედრის,<br />
როცა ტროიდან დაბრუნდები სამშობლო მხარს.<br />
მე კი - უბედურს დამიზრდია აბჯარასხმულნი<br />
ძენი ტროაში, მათგან ერთიც არ შემრჩენია!<br />
495 ორმოცდაათი შვილი მყავდა აქაველების<br />
შემოსევამდე.<br />
ათცხრამეტი - ერთი დედისგან,<br />
დანარჩენები სხვა ძვირფასმა შობეს ცოლებმა.<br />
ბევრ მათგანს, ბედკრულს, გადუმსხვრია არესმა მუხლი.<br />
ერთიღა დამრჩა, ის იცავდა ქალაქს და მცხოვრებთ,<br />
500 შენ ისიც მოკალ - სამშობლოსთვის მებრძოლი გმირი,<br />
ჩემი ჰექტორი!<br />
აქაველთა გემებს ვეწვიე:<br />
მსურს დიდძალ განძით დავიბრუნო მისი სხეული.<br />
ო, ღმერთებს ეცი პატივი და გებრალებოდე.<br />
გახსოვდეს მამა, მე ხომ უფრო შესაბრალი ვარ:<br />
505 მოვესწარ, ქვეყნად არავის რომ არ მოსწრებია -<br />
ჩემი შვილების მკვლელს ვუკოცნი საზარელ ხელებს. . .”<br />
ასე უთხრა და გულსაკლავად ფიქრი აღუძრა,<br />
მან ხელი ჰკიდა მოხუცის მკლავს, გვერდზე გასწია.<br />
ორივ მიეცა მოგონებას, პრიამოს ცხარედ<br />
510 შვილს დასტიროდა აქილევსის ფეხქვეშ განრთხმული,<br />
აქილევსი კი ხან მამას, ხან ძმობილს - პატროკლეს,<br />
გულამოსკვნილი მოთქმა მათი ისმოდა ირგვლივ.<br />
გული იჯერა აქილევსმა ცრემლების ფრქვევით,<br />
და რა გაულღვა დამდაღველი სევდა-ნაღველი,<br />
515 მყისვე წამოდგა და მოხუცი წამოაეყენა<br />
თეთრი თმა-წვერის სისპექტაკით გულმოლბობილმა.<br />
ასე დაიწყო და მიმართა ფრთიანი სიტყვით:<br />
”ბედშავო კაცო! რამდენ ვარამს გაუძლო გულმა,<br />
როგორ გაბედე აქაველთა გემებთან მოსვლა,<br />
520 მასთან, ვინც მრავალ შენს ნაშიერს მოუღო ბოლო<br />
მოხუცო, მკერდში თურმე რკინის გული გქონია!<br />
მაგრამ დამშვიდდი, აქ ჩამოჯექ, მეფევ სვიანო!<br />
ხამს მწუხარება გულში ჩავკლათ და გავიყუჩოთ.<br />
რას გვარგებს ცრემლი და ქვითინი გულისმომკვლელი<br />
525 ღმერთებმა, ყოვლის შემძლეებმა, ბედშავ მოკვდავებს<br />
დარდი დაგვითმეს: უდარდელი მხოლოდ ღმერთია!<br />
კრონიდის ზღურბლთან ძღვენით სავსე ორი ყუთი დევს,<br />
ერთი ბდნიერთ მიეცემა, მეორე - ბედკრულთ.<br />
398