áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
რომ არ აღეძრა, თუმც თვით გმირსაც ესა სწყუროდა:<br />
220 ფართო ნაბიჯით მიაშურა გემებს და კარვეს,<br />
ხელით ეჭირა ძოწეული სამოსის კალთა.<br />
დადგა ატრიდი ოდისევსის მაღალ ხომალდზე,<br />
რომ მიეწვდინა ხმა შუაში მდგომი გემიდან<br />
ტელამონიდის აიანტის და აქილევსის<br />
225 ბანაკებისთვის.<br />
მოსდგებოდნენ თავსა და ბოლოს<br />
საიმედონი მკლავის ძალით და სიმამაცით.<br />
მქუხარე ხმით მან შეუძახა დანაელთ ლაშქარს:<br />
”სირცხვილი თქვენდა, სახით მშვენნო, საქმით უგვანნო!<br />
რა იქნა თქვენი დაქადება - ჩვენ ვართ, რაც ვართო,<br />
230 ლემნოსზე ეგრე მედიდურად რომ ღაღადებდით<br />
ლხინის დროს თქვლეფდით რქოსან ხარებს, სცლიდით ძირამდე<br />
ფიალებს, ღვინით სულ პირამდე ალიცლიცებულს.<br />
ას, ორას ტროელს, თქვენ ამბობდით, თითოეული<br />
თავს აუვალთო! ახლა ერთიც არ ღირხართ ყველა,<br />
235 ერთი ჰექტორი! ცეცხლით გემებს მოადგა იგი!<br />
ზევსო მამაო! ქვეყნის ძლიერ მეფეთა შორის<br />
ვისა სჯი ასე და ვის ართმევ სახელ-დიდებას<br />
მე გვერდი როდი ამივლია შენი კერპისთვის,<br />
ხოფმრავალ გემით როს ვესწრაფე ამ ცოდვისტრიალს<br />
240 არა, ხბოს ფერდთა კვამლი ყოველ ბომონს ვაკმიე.<br />
გულით მეწადა დამელეწა მაღალი ტროა.<br />
ერთი სურვილი შემისრულე ოღონდაც, ზევსო,<br />
შეგვაძლებინე მტრებს გავექცეთ, ნუღარ დაუთმობ<br />
დასაღუპავად აქაველთა ლაშქარს ტროელებს!”<br />
245 თქვა და მოულბო გული მამას, ცრემლთა მფრქვეველმა.<br />
ზევსმა ნიშანი მისცა - ხალხი გადარჩებაო:<br />
ზეცით არწივი მოუვლინა, სანდო ფრთოსანი -<br />
მძლავრი ჭანგებით ჩაებღუჯა ნაზი შვლის ნურკი,<br />
ბომონის ახლოს სისხლიანი მსხვერპლი დააგდო,<br />
250 სად აქაველნი თაყვანს სცემდნე ზევსს ღრუბელთბატონს.<br />
როცა რწივი ნახეს ზევსის მოვლინებული,<br />
მედგრად შეებნენ ტროელთა სპას. გაჩაღდა ომი.<br />
თუმც ბევრი იყო დანაელი, ვერ შეეცილნენ<br />
ტიდიდს დიდებას.<br />
ქედფიცხელი ცხენების გმირმა<br />
255 სანგართა მიღმა გაიყვანდა და მტერს შეება.<br />
პირველად დასცა ფრადმონის ძე აგელაოსი,<br />
მოყმე მეაბჯრე, როცა შიშით ცხენს აბრუნებდა,<br />
ზურგი აქცია მტერს. ტიდიდმა ბასრი ოროლი<br />
ბეჭებში ჩასცა და სისხლიან მკერდში გაურჭო.<br />
260 ძირს დაენარცხა, აჟღარუნდა ტანზე ჯავშანი.<br />
142