áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
45 კალქანტს ემსგავსა, სახითა და ომახიან ხმით,<br />
თავდაპირველად სიტყვა უთხრა ფიცხ აიანტებს:<br />
”აიანტებო! თქვენღა ძალგიძთ ხსნა აქაველთა,<br />
გამკობთ სიმხნევე, ლტოლვაც ფიქრად არ გაგივლიათ.<br />
სხვაგან ტროელთა მძლე მარჯვენის შიში არა მაქვს,<br />
50 ქონგურებიან გალავანში ბრბოდ შემოჭრილთა,<br />
ყველგან მამაცად დახვდებიან აქაველთ სპანი.<br />
აქ კი უსაზღვრო შიში მიპყრობს, ვაი თუ გვძლიონ,<br />
აქ ხომ ღველფივით მოგიზგიზებს სპა მოჰყავს ჰექტორს,<br />
თავის თავს ყოვლისშემძლე ზევსის შვილს რომ უწოდებს!<br />
55 ნეტავ, ღმერთებმა ჩაგინერგონ გულში სიმტკიცე,<br />
რომ თქვენი თავიც გაამხნევოთ და სხვაც შემკრთალი!<br />
რაგინდაც შმაგი იყოს, გემებს არ დაანებებთ,<br />
თუნდ აქეზებდეს თვითონ ზევსი ოლიმპიელი!”<br />
თქვა და თვით კვერთხით ღმერთი ქვეყნის შემარყეველი<br />
60 შეეხო გმირებს, საშინელი ძალით აღავსო.<br />
მსუბუქ-ყო მათი სახსრები და მძლავრი მარჯვენა.<br />
თვით კი გაიჭრა, ვით ალალი, ცად მოლივლივე,<br />
ციცაბო კლდიდან სანადიროდ რომ ჰკრავს ირაოს,<br />
რათა დააცხრეს ფრინველს, შიშით აფრთხიალებულს.<br />
65 იმასა ჰგავდა პოსეიდონ ქვეყნის მრყეველი.<br />
პირველად იცნო ღმერთი გმირმა ოილევსის ძემ,<br />
პირველად მანვე უთხრა მამაც ტელამონიონს:<br />
”უეჭველია, აიანტო, ოლიმპოს მკვიდრი<br />
ემსგავსა მისანს და გვიბრძანა დაცვა ხომალდთა.<br />
70 არ კალქანტია იგი, ბრძენი ჩიტთამჩხიბავი,<br />
კვალიც შევიცან, მძლავრ წვივებით ღვთაება, ჩვენგან<br />
უკუქცეული.<br />
ღმერთის ცნობა ძნელია როდი.<br />
ჰოდა, ვგრძნობ კიდეც, მკერდში გული გამხნევებული<br />
საომრად მიწევს წინანდელზე უფრო მგზნებარედ,<br />
75 მძლავრი მხარ-მკლავი და სახსრები ბრძოლად ამენთო”.<br />
ჰრქვა და მიუთო აიანტმა ტელამონიდმა:<br />
”ოღონდაც! შუბზე მეწვის ხელი ბრძოლის სურვილით,<br />
სული აღმენთო, მოუსვენრად მითრთის ტერფები,<br />
ლამის წამიღონ! ახლა მინდა მარტო გავიჭრა<br />
80 პრიამეს ძესთნ, მძვინვარესთან შესარკინებლად!”<br />
ასე ერთმანეთს უთხრეს სიტყვა აღგზნებულმა<br />
ბრძოლის კოცონით, ღმერთმა გულში რომ გაუღვივა.<br />
იმ დროს ღვთაება აქეზებდა მათს უკან მდგომ სპას,<br />
ნავ-ხომალდებთან სულს დაშრეტილს რომ იბრუნებდნენ.<br />
85 მებრძოლებს, სასტიკ ჯაფით ძალაგამოლეულებს,<br />
213