áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
რომ იფარავდა, ვერ გაუძლო სპილენძის ფენამ<br />
ბუნიკის ძალას, გაიკაწრა მეომრის კანი<br />
140 და ჭრილობიდან ამოხეთქა წითელმა სისხლმა.<br />
ძოწით რთავს ხოლმე ფინიკურ სპილოს ძვალს ქალი<br />
მეონიელი -ცხენთა მდიდრულ საყბეურისთვის,<br />
ხოლო პატრონი შინ ინახავს.<br />
ბევრ მხედარს უნდა<br />
ხელში ჩაიგდოს, მაგრამ განძს ვერ დაუფლებია,<br />
145 ცხენი და მხედრის სახლოვან, მეფურ სამკაულს.<br />
და შენც ასევე, მენელაოს, ძოწისფერ სისხლით<br />
აგიფორაჯდა თეთრი თეძო, ლამაზი ფეხი.<br />
მამაცთ მეუფე აგამენონს თავზარი დასცა<br />
ძმის ჭრილობიდან მომჩქეფარე სისხლის ნაკადმა,<br />
150 შედრკა არესის სანუკვარი მენელაოსიც,<br />
როცა იხილა ჩაჭედილი წვერი ისრისა.<br />
მაგრამ კვლავ გული სიმამაცით აევსო ვაჟკაცს.<br />
აგამენონმა შეაშველა ძმას ხელი ოხვრით,<br />
სპაც იქვე იდგა ნაღვლიანი. ალერსით უთხრა:<br />
155 ”ძმაო, ძვირფასო, მე გაგწირე, როს ფიცი დავდე,<br />
აქაველთ გამო შეგარკინე ტროელთ მხედრობას.<br />
მათ კი შენ დაგჭრეს, დაარღვიეს აღთქმა ღვთიური!<br />
რაღა ფასი აქვს ზენაარს და ზედაშენს, ზვარაკს,<br />
ან ერთგულების ნიშნად ნები ნებს რად დაერთო,<br />
160 თუ აღთქმას აღარ აღასრულებს ღმერთი მაღალი,<br />
თუმც გვიან, მაგრამ მაინც მოსთხოვს აღთქმის საზღაურს,<br />
შვილების, ცოლის და საამო სიცოცხლის ფასად!<br />
ჩემს სულს ღრმა რწმენა დაეუფლა და გული მითქვამს,<br />
რომ ილიონის ბჭე ოდესმე განადგურდება,<br />
165 პრიამოსიც და სპა შუბოსან პრიამოსისა.<br />
მაღლივმეუფე კრონიონი, ეთერის მკვიდრი,<br />
ტროელთა თავზე აიგიდას მოიქნევს საზარს,<br />
გაუტანლობით გულგამწყრალი. ასე იქნება!<br />
მაგრამ მე მომკლავს მწუხარება, ო, მენელაოს,<br />
170 თუ სულთმობრძავი აქა ჰპოვებს სიცოცხლის სამანს!<br />
მელის უწყალოდ გაწბილებულს უწყალო არგოსი,<br />
აქაველებსაც სამშობლოში დარდი დასერავს.<br />
ჩვენ აქ დავტოვებთ პრიამოსის, ტროელთ საამოდ<br />
ლამაზ ელენეს.<br />
შენი ძვლებიც დაინაცრება<br />
175 შორეულ ტროის მიწა-წყალზე დაშლილ-დაფშვნილი.<br />
მაშინ ტროელიც გულზვიადი ამაყად იტყვის,<br />
მენელაოსის საძვალეზე ფეხით შემდგარი:<br />
”ასემც იყრიდეს ხოლმე მტრის ჯავრს აგამენონი!<br />
81