áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
და აკივლებულს არ გაგაგდებ ხომალდებისკენ<br />
ხალხის დასიდან, სამარცხვინოდ, მკაცრად გაწკეპილს!”<br />
265 უთხრა და დასცხო მყისვე კვერთხი ქედზე, ბეჭებზე,<br />
მოკუნტულ მებრძოლს გადმოსცვივდა ცხარე კურცხალი,<br />
წითელი ზოლი ოქროს კვერთხმა ზურგზე დაატყო,<br />
იქვე უმწეოდ ჩაიკეცა ათრთოლებული.<br />
ტკივილმა სახე დაუმანჭა, მორწყული ცრემლით.<br />
270 ჭმუნვა გაქრა და ყველამ გულით გადიხარხარა.<br />
ერთი-მეორეს შეჰყურებდა, ამბობდა ზოგი:<br />
”ღმერთმანი, ბევრი კარგი საქმის მოთავე გახლავს,<br />
გზიანად განსჯის ოდისევსი, წყვეტს ბრძოლის ბედსაც.<br />
ახლაც ჩვენს შორის მან ითავა კეთილი საქმე,<br />
275 როს გაცოფებულ მეამბოხეს ხმა ჩაუწყვიტა.<br />
რაღა თქმა უნდა, ეს თავხედი ვეღარ შეჰკადრებს<br />
აქაველთ მეფეს უშვერ სიტყვებს ამიერიდან!”<br />
ასე ამბობდნენ.<br />
გმირი ოდისევსს, ქალაქთა დამპყრობს,<br />
ხელთ კვერთხი ეპყრა.<br />
ათენას კი თვალებბრიალას<br />
280 მიეღო მაცნის გარეგნობა, ხალხს აჩუმებდა<br />
წინა რიგებში, მოშორებით მდგომ აქაველთაც,<br />
მოუსმინეთო, მიიღეთო რჩევა გმირისა.<br />
კეთილი გულით მიმართავდა ლაშქარს ოდისევს:<br />
”ხედავ, ატრიდო აგამენონ, რომ აქაველნი<br />
285 შენს სახელს სირცხვილს უმზადებენ სამარადჟამოს,<br />
სიტყვას გატეხენ, ლაშქრობის წინ რომ მოგცეს, მეფევ,<br />
როცა გულდაგულ მოიწევდნენ ილიონისკენ -<br />
ქალაქს ავიღებთ, გამარჯვებით დავრუნდებითო.<br />
როგორც ბალღები მეძუძურნი, ქვრივნი დიაცნი,<br />
290 დღეს შესტირიან ერთურთს და შინ მიუხარიათ,<br />
ძნელია ბრძოლა და იმიტომ მიუხარიათ!<br />
როს მოგზაური ცოლს სცილდება, თვე გასრულდება,<br />
გემი მზადაა, მაგრამ კაცი დგას დარდიანი,<br />
აჩერებს შმაქი ქარიშხალი, ზღვის მღელვარება.<br />
295 ჩვენ კი ცხრა წელი გაგვისრულდა, ომი არ დაცხრა,<br />
მე როდი ვდრტვინავ, მაგრამ ვიტყვი, რომ აქაველნი<br />
ისე დარდობენ ხომალდებთან, როგორც ის მგზავრი:<br />
რცხვენიათ დაცდაც, არხეინად შინ დაბრუნებაც.<br />
ცოტა ხანს კიდევ მოვითმინოთ, ო, საყვარელნო!<br />
300 ვნახოთ, ღირს ვენდოთ მკითხაობას ბრძენი კალქანტის<br />
ხომ ყველას გვახსოვს, - მოწმენი ვართ, რაც მაშინ მოხდა, -<br />
ყველას, სიკვდილი ბედისერით ვისაც არ ერგო.<br />
ახლახანს იყვნენ აქაველთა გემნი ავლიდთან,<br />
პრიამოს მეფის მწუხარების მოსასწავებლად.<br />
52