áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
თქვა და ძალუმად სტყორცნა შუბი გრძელჩრდილიანი.<br />
290 ვერრა დააკლო, შუა ფარში მოარტყა პელიდს,<br />
შორს აისხლიტა შუბი ფარმა. შეწუხდა გმირი,<br />
იგრძნო, თუ როგორ მოეცარა ხელი ამაოდ.<br />
თვალი დახარა, აღარ შერჩა უკვე ოროლი.<br />
ხმამაღლივ უხმო შემწედ ერთგულ ძმას დეიფობოსს.<br />
295 სხვა შუბი სთხოვა. სადღა იყო დეიფობოსი!<br />
ჰექტორი მიხვდა, გულმა უგრძნო და შეღაღადა:<br />
”ვაიმე! უკვე სასიკვდილოდ მიხმეს ღმერთებმა!<br />
დეიფობოსი მე ჩემს გვერდით მეგულებოდა,<br />
ის კი კოშკშია: შემაცდინა ისევ ათენამ.<br />
300 ჩემს გვერდით მხოლოდ სიკვდილია! ხსხნა არსით არის!<br />
უეჭველია, თვით ღმერთებმა განსაჯეს ასე:<br />
ზევსმა, ზევსის ძემ აპოლონმა. ადრე მოწყალეთ<br />
ბევრჯერ მიშველეს და, ჰა, ბედმა მიწია ბოლოს!<br />
მაგრამ უაზროდ, უსახელოდ სულს როდი დავთმობ,<br />
305 ისეთ საქმეს ვიქმ, რომ ხმა მისწვდეს შთამომავლობას!”<br />
ასე წარმოთქვა და იშიშვლა მყის სატევარი,<br />
მარცხენა მხარეს რომ ეკიდა მძიმე, ვეება,<br />
ისე გაიჭრა, ვით არწივი ცად მოლივლივე,<br />
მრუმე ღრუბლიდან დაბლობისკენ რომ დაეშვება,<br />
310 ხუჭუჭა ტარიგს, დამფრთხალ კურდღელს დახარბებული.<br />
მას ჰგავდა ჰეტორ, ხმალს იქნევდა სიკვდილის მთესველს.<br />
შემოეგება აქილევსიც გაშმაგებული.<br />
მკერდის წინ ფარი მოხატული ეჭირა ფეხმარდს,<br />
თავზე ჩაფხუტი კიაფობდა ოთხსალტიანი,<br />
315 ზედ უელავდა სხივნათელი ოქროს ფაფარი,<br />
ჰეფესტომ ჯიღას რომ მოასხა, მოაგვირისტა.<br />
ვით ვარსკვლავთ შორის ღამის ბნელში ბრწყინავს ვარსკვლავი<br />
ჰესპეროს, ზეცად უნათლესი და უტურფესი,<br />
ისე ელავდა აქილევსის ხელში ოროლი,<br />
320 ღვთაებრივ ჰექტორს სვეს საშინელს რომ უქადოდა.<br />
ეძებდა ადგილს დასარტყმელად მშვენიერ ტანზე,<br />
მაგრამ აბჯარი გმირს იცავდა რვალით ნაჭედი,<br />
რომელიც ერგო მამაც ჰექტორს, პატროკლეს მძლეველს.<br />
მხოლოდ იქ, სადაც ყელი ჩანდა, ხორხის ნაწილიც<br />
325 იყო შიშველი, სული სიკვდილს ვერ აიცდენდა.<br />
მიეჭრა გმირი აქილევსი, დასც ოროლი,<br />
და შიგ თეთრ ყელში გაიარა ბასრმა ბუნიკმა,<br />
ოღონდაც ხორცს არ შეხებია მწვავე სპილენძი,<br />
ჰექტორს მომაკვდავს რამდენიმე სიტყვა რომ ეთქვა.<br />
330 დაეცა მოყმე და შესძახა მას აქილევსმა:<br />
”ჰექტორ! პატროკლეს მკვლელს სიცოცხლის იმედი გქონდა,<br />
ბრძოლიდან გასულს აღარ მთვლიდი საშიშ მეტოქედ.<br />
რას მოხვიდოდი ძალით ჩემთან, შურისმგებელთან.<br />
359