áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
”გასწიეთ სწრაფად, გაიჭერით წინ, ჩემო რაშნო!<br />
არ გთხოვთ ტიდევსის მამაც ვაჟის ცხენთა უმალეს<br />
405 იჭენოთ, მათ ხომ თვით ათენამ შთაჰბერა ძალა,<br />
განა ქალღმერთმა არ შემოსა დიდებით გმირი<br />
ატრიდის რაშებს დაეწიეთ, ნურას დაუთმობთ!<br />
გასწიეთ სწრაფად, რომ სირცხვილი არ ვჭამოთ ხალხში,<br />
ნუ ჩამორჩებით ფიცხლად გაჭრილ ფეხმარდ ფაშატებს!<br />
410 ვამბობ და ვიცი, რომ ნათქვამი ამისრულდება:<br />
სხვა ხვედრს ნუ ელით ხალხის მწყემსი ნესტორისაგან,<br />
დღესვე სპილენძის იარაღი მოგიღებთ ბოლოს,<br />
თუ სიზარმაცით უკანასკნელ ჯილდოს მოიმკით.<br />
გასწიეთ სწრაფად, გაიჭერით, ბედაურებო!<br />
415 მე კი ვეცდები გამოვნახო რაიმე ხერხი,<br />
რომ უცაბედად ავუქციო გვერდი მეტოქეს”.<br />
ასე ამბობდა. და მეფისგან დაშინებულნი<br />
უფრო გაჭენდნენ ბედაურნი.<br />
დრო არ ითმენდა,<br />
ვიწრო გზა ნახა ანტილოქემ, ბრძოლისმოყვარემ:<br />
420 წყალი, ზამთარში დაგროვილი, გადმოწულიყო<br />
და ოღრო-ჩოღრო გასავალი სულ დაეფარა.<br />
იქით მიქროდა მენელაოს, თანაც ფრთხილობდა.<br />
გზა შეიმოკლა ანტილოქემ, ცხენთა დგრიალით<br />
მენელაოსის ეტლს მხარდამხარ მიუახლოვდა.<br />
425 ატრეიონმა შეშფოთებით შესძახა მხედარს:<br />
”უფუნურად მართავ, ანტილოქოს, მოსწიე სადავე!<br />
ბრძოლა სადავო გამიმართე ფართო შარაზე.<br />
ცხენს ავშარაძე ჩამოქაჩე აქ გზა ვიწროა,<br />
ეტლები ერთურთს შეასკდება!”<br />
ცხენს მათრახს სცემდა<br />
430 და მენელაოსს არც უსმენდა ძე ნესტორისი.<br />
რასაც გადიფრენს ყრმის მარჯვენით ნატყორცნი ბადრო,<br />
ახალგაზრდული სიჩაუქის მაუწყებელი,<br />
იმდენი სივრცე გადასერა წამს ანტილოქემ.<br />
უკან ჩამორჩა მენელაოს, ცხენთა სადავე<br />
435 თვითონ მოსწია, რომ ვიწრობში მათი ეტლები<br />
არ შესკდომოდნენ ერთურთს და არ დამსხვრეულიყვნენ.<br />
დაასკდებოდნენ უმალ მიწას მაშინ მხედრებიც.<br />
თან ანტილოქეს ლანძღვას მოჰყვა მენელაოსი:<br />
”არვინ მეგულვის შენზე მავნე და აქაველნი<br />
440 ამაოდ გთვლიან გონიერად! ასეთი ხერხით<br />
ჯილდოს ვერ ჰპოვებ, სანამ ფიცით არ იტყვი მართალს”.<br />
ასე წარმოთქვა და ხმამაღლა რაშებს დასჭექა:<br />
”რამ დაგაღონათ, რად ჩამორჩით! წინ წაჭრილ ცხენებს<br />
თქვენზე უადრეს დაელევათ მუხლებში ძალა, -<br />
374