áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
საბედისწერო დღეს, როს პელიდს ჯილდო წავგვარე.<br />
90 რა უდნა მექნა, ყველაფერი იკისრა ღმერთმა -<br />
ზევსის ასულმა ატემ - წყენამ, კაცს რომ აბრმავებს.<br />
ულმობელს ნაზი ტერფები აქვს, ფეხით მიწის მტვერს<br />
არც კი ეხება, გადაივლოს მოკვდავთა თავებს<br />
და საწყლავს, ადვილად აქცევს მრავალს თავის ბადეში.<br />
95 ოდესღაც ზევსიც დააბრმავა, უზენაესი<br />
ყველა ღმერთზე და ყველა კაცზე. ჰერამ ზევსიც კი,<br />
თუმცა ცოლია თვითონ ზევსის, მშრალზე დატოვა<br />
იმ დღეს, როს დედა ბედნიერი, ტურფა ალკმენე<br />
მზად იყო ეშვა მძლე ჰერაკლე თებეს ციხეში.<br />
100 ზევსი ამბობდა ქედმაღლურად უკვდავთა შორის:<br />
მისმინეთ, ღმერთნო და ქალღმერთნო, მინდა გაუწყოთ,<br />
რას მითქვამს გული: ახლა ქვეყნად მოავლენს ყმაწვილს<br />
ეილითია, ღმერთი, შემწე მშობიარეთა.<br />
რაც კი ხალხია მის გარშემო, მათზე იმეფებს<br />
105 მოყმე, ნაყოფი კაცთა მოდგმის და ჩემი სისხლის!<br />
მზაკვრობა ჰქონდა გულში, როცა ზევსს უთხრა ჰერამ:<br />
”ეგ ტყუილია! შენ არასდროს ასრულებ სიტყვას!<br />
მაშინ გაბედე, შემოგვფიცე ოლიმპიელო,<br />
რომ რაც ხალხია მის გარშემო, მათზე იმეფებს<br />
110 მოკვდავი, დღეს რომ ჩაგორდება დედის კალთაში,<br />
მოყმე, ნაყოფი კაცთა მოდგმის და შენი სისხლის!”<br />
ასე უთხრა და როდი იგრძნო ზევსმა ოინი,<br />
ფიცი დადო და სანანებლად გაუხდა შემდეგ.<br />
ჰერამ დატოვა მეყსეულად ოლიმპოს ბორცვი.<br />
115 აქაველთ არგოს მიაღწია, სადაც ადრევე<br />
ეგულვა ცოლი პერსეიდი სთენელოსისა.<br />
ძეს მეშვიდე თვეს ატარებდა წიაღით დედა.<br />
ვადამდე შვილი აშობინა. ალკმენეს შობა<br />
კი დაუყოვნა, მოაშორა ეილითია.<br />
120 შემდეგ მივიდა კრონიონთან და ასე უთხრა:<br />
”ზევსო მამაო, გულზე გაჭდევ შენსავე სიტყვას -<br />
იშვა მოკვდავი, ვინც იმეფებს არგოსის მხარეს,<br />
ყრმა ევრისთევსი, პერსეიდი სთენელოსის ძე,<br />
შენივე მოდგმის! არ იქნება მეფე უღირში! . . .”<br />
125 ასე უთხრა და მწყველი დარდი გულში აუნთო.<br />
ზევსი მყის მიწვდა ატეს ლამაზ დალალ-კავებში,<br />
განრისხებული ფიცსა დებდა შავღრუბლიანი,<br />
რომ ოლიმპოზე, ვარკსვლავებით მოჭედილ ცაზე<br />
ვერასდროს ავა ატე, თვალთ დამავსებელი.<br />
130 ხელი მოწყვეტით მოიქნია, ცას ვარსკვლავიანს<br />
მოსხლიტა იგი, კაცთა საქმე არგუნა წილად.<br />
ზესვსი გმინავდა, როს ხედავდა ძეს უსაყვარლესს,<br />
ევრისთევსისთვის სამარცხვინო უღლით გატანჯულს.<br />
318