áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
ტალღა და ტალღა მარილიან ქაფს მოიყენებს<br />
ასე მიჰყვება დანაელთა ფალანგი ფალანგს,<br />
ბრძოლად ისწრაფვის, ბელადების ბრძანება ისმის,<br />
თვით მეომარნი კრინტს არ სძრავენ, საკითხავია -<br />
ამდენ ხალხს მკერდში დახშობია ბგერა ყოველი<br />
(IV, 422-430).<br />
ზღვის მქუხარება, კლდეზე შეხეთება თითქოს აქ არაფერი მოსატანია, რაკი ლაშქარი უხმაუროდ<br />
მიდის. მაგრამ ავტორი ამით ხაზს უსვამს მის პოტენციურ ძალას, შედარება გამოყენებულია ლაშქრის<br />
მომავალი მოქმედების წარმოსადგენად, ხოლო უშუალოდ ამჟამინდელ მის მოძრაობას პოეტი ადარებს<br />
კლდეზე შეხეთქებული დაშლილი ზვირთის წყნარ ტყლაშუნს, როცა იგი კლდის უკან ნელა მიიქცევა<br />
ნაპირიდან.<br />
არანაკლებ შთამბეჭდავია შედარებები, როცა საომარ ეპიზოდს სცვლის მშვიდობიანი ცხოვრების<br />
სურათები. ეს სურათები ერთმანეთს უდარდება, რაღაც ერთი გარეგანი ნიშნის მიხედვით. აიანტ<br />
ტელამონის ძე და აიანტ ოილევსის ძე ერთმანეთის გვერდით იბრძვიან, მტრის რიგებში გზას<br />
იკაფავენ. ბუნებრივია, ისინი ხან მხარდამხარ დგანან, ხან ერთმანეთს ოდნავ სცილდებიან. ასევე არიან<br />
უღელში შებმული ხარები. ისინი წინსვლის დროს გან-გან იწევენ, მაგრამ უღელი აიძულებს კვლავ<br />
ერთმანეთს დაუახლოვდნენ. მხოლოდ ეს არის მსგავსება ამ ორ სურათს შორის, სხვა ყველაფერი<br />
საპირისპიროა: ხარების ტაატით სიარული და აიანტების სამკვდრო-სასიცოცხლო ბრძოლა. და<br />
სწორედ ეს დაპირისპირება კიდევ უფრო მკვეთრად წარმოაჩენს მებრძოლთა გულმოდგინებას და<br />
მკითხველი უკვე თავისთავად ახდენს შედარებას ხარების მიერ გადაწვენილ ბელტებსა და აიანტების<br />
მიერ მოკლულ ტროელთა შორის:<br />
უღლში შებრულ ხარებს გააქვთ სვე ხოდაბუნზე,<br />
შავებს, ტოლძალებს. მიათრევენ გულდაგულ ერქვანს,<br />
რქის ძირას ოფლი ჟონავს. ჯუფთად ვლიან ტაატით<br />
და სვლის დროს ქედი ქედთან მიდის, რომ კვლავ დასცილდეს.<br />
სვეს გაიტანენ და ბელტები ბელტებზე წვება.<br />
ასევე ერთურთს მხარში ედგნენ აიანტები.<br />
(XIII, 703-708).<br />
ჰომეროსი ზედმიწევნით იცნობს ადამიანის ფსიქოლოგიას, რეალისტურა ასახავს მთელი<br />
მხედრობის განწყობილების ცვალებადობას. მან შესანიშნავად იცის, რომ ომი, რომელიც ბერძენთა<br />
გარკვეული წრის ინტერესებს ემსახურებოდა და გაჩაღებულიყო მენელაოსის ღირსების დასაცავად, არ<br />
შეიძლებოდა ყველა მებრძოლს გულთან ახლოს მიეტანა. ომს მოჰქონდა დიდება, სიმდიდრე, მაგრამ<br />
მასვე მოსდევდა წლობით გაგრძელება შრომა, სისხლისღვრა და სიკვდილი. ამიტომ საკმარისი იყო,<br />
გამოსაცდელად აგამენონს ლაშქრისთვის მოეწოდებინა, შევწყვიტოთ ბრძოლა და სამშობლოში<br />
გავეშუროთო, მთელს მხედრობას დაუარა დაუოკებელმა სურვილმა, სასწრაფოდ ჩაეშვათ ზღვაში<br />
ხომალდები. და სწორედ აქ იჩინა თავი პოეტის უტყუარმა რეალისტურმა ალღომ: მთელს ლაშქარს<br />
როდი ესმოდა მხედართმთავრის სიტყვა, მაგრამ წინა რიგებში შექმნილი განწყობილება ყველას<br />
გადაედო:<br />
მისმა ნათქვამმა შეძრა სული, ყველა მებრძოლი<br />
აფორიაქდა, გინდ სმენოდა და გინდა არა.<br />
(II, 142-143).<br />
ოდისევსმა უმალვე იგრძნო საერთო სულისკვეთებით აღტყინებული ბრბოს ფსიქოლოგია:<br />
ბევრმა თვითონაც არ იცოდა, რას აკეთებდა, მაგრამ სტიქიურად წამოჭრილ მისწრაფებას აჰყვა.<br />
ბრძენმა ოდისევსმაც ისარგებლა ამით და ბევრიც დააშინა:<br />
მან გამოგვცადა, მაგრამ ახლა დასჯის აქაველთ,<br />
თანაც ხომ ყველა არ გვესმოდა, რასაც ბრძანებდა.<br />
(II, 193-194).<br />
5