áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
მყისვე მიმართა<br />
185 ღმერთების მაცნეს, ქალღმერთ ირისს ოქროსფრთებიანს:<br />
”გასწი, ირისო, გადაეცი ბრძანება ჰექტორს:<br />
ჯერ შორით ნახოს, ხალხთა მწყემსი აგამენონი<br />
ვით დარევია და მუსრს ავლებს აბჯროსანთ რიგებს!<br />
თვით გაერიდოს ატრიდს, მაგრამ სხვები აღაგზნოს,<br />
190 რომ გაუმართონ ხელჩართული ბრძოლა აქაველთ.<br />
მაგრამ როს ისრით ან ოროლით მოერევიან,<br />
ეტლზე ამხედრდეს, მივცემ ღონეს, ძალგულოვნებას,<br />
მტერს მუსრს გაავლებს და როს სწრაფმსრბოლ გემს მიადგება,<br />
მზეც დაეშვება და წყვდიადი დადგება ღამის”.<br />
195 ასე უთხრა და ნებას დაჰყვა ფეხმარდი ირის,<br />
იდას თხემიდან ილიონის მხარეს გასწია.<br />
ნახა ჰექტორი ღვთაებრივი, პრიამოსის ძე<br />
მხედართა დასში მბზინავ ეტლზე აღმართულიყო.<br />
წინ აელანდა და აუწყა მარდმა ირისმა:<br />
200 ”ჰექტორ, პრიამეს ძევ, გონებით ზევსის სადარო!<br />
მამამ მიბრძანა და გაუწყებ მეუფის ნებას:<br />
ჯერ შორით ნახე, ხალხთა მწყემის აგამენონი<br />
ვით დარევია და მუსრს ავლებს აბჯროსანთ რიგებს!<br />
თვით განერიდე, მაგრამ სხვები აღაფრთოვანე,<br />
205 რომ გაუმართონ ხელჩართული ბრძოლა აქაველთ.<br />
მაგრამ რომ ისრით და ოროლით მოგერევიან,<br />
ეტლზე ამხედრდი, ზევსი მოგცემს ძალგულოვნებას.<br />
მტრებს მუსრს გაავლებ და როს სწრაფმსრბოლ გემს მიადგები,<br />
მზეც დაეშვება და წყვდიადი დადგება ღამის”.<br />
210 ასე აუწყა და გაფრინდა ირის ფეხმარდი.<br />
აბჯარასხმული მყის გადმოხტა ეტლიდან ჰექტორ,<br />
შუბი შემართა წამახული, სპა მოიარა,<br />
გული აუნთო მხედართ, ბრძოლა გაჩაღდა ისევ,<br />
კვლავ აქაველთა დასახვედრად დადგა ლაშქარი.<br />
215 არგიველთ მყისვე გაამაგრეს ფალანთა წყობა.<br />
თავდაპირველად გამოიჭრა აგამენონი,<br />
გულანთებული წინ უსწრებდა მეწინავეებს.<br />
გვამცნეთ, მუზებო, ოლიმპო რომ გეგულვით სახლად,<br />
ვინ შეეგება აგამენონს შესარკინებლად,<br />
220 ტროელთა, გინა მოკავშირე მებრძოლთა შორის<br />
- ანტენორის ძე იფიდამანტ, მძელე ბუმბერაზი -<br />
მთაგორიანის, ცხვართა მშობელ თრაკიის მკვიდრი.<br />
იქ აკვნიდანვე აღუზრდია ყმაწვილი კისევსს -<br />
მართლმორჭმულ პაპას, თეთრფეხება თეანოს მშობელს.<br />
225 მაგრამ ყმაწვილი ჭაბუკობას რომ მოიყარა,<br />
პაპამ თავისთან დაიტოვა და ქალიც შერთო.<br />
185