áááááá
áááááá
áááááá
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
მენელაოსის სამკერდულზე ასე აიჭრა<br />
და ასხლეტილი შორს დაეცა ველზე ისარი.<br />
ატრევსის ძემ კი, ომნაცადმა მენელაოსმა<br />
მშვილდიან ხელში მშვიდოსანი ისე დაკოდა,<br />
595 რომ შუბისწვერით მიაჭედა ზედვე მტევანი.<br />
სიკვდილს გაექცა, მეგობართა დასს მიაშურა,<br />
ხელს მიჭდობილი იფნის ტოტი მოსთრევდა მიწას.<br />
იგი სულდიდმა აგენორმა მყის მოაცილა,<br />
ხელი შუკრა რბილ სახვევით მოხერხებულად,<br />
600 მებჯრეს მუდამ თან დაჰქონდა თემისთავისთვის.<br />
პეისანდროსი შეხვდა ამ დროს გმირ მენელაოსს,<br />
უახლოვდება ტროელს ბედი სიკვდილის სამანს.<br />
შენ, მენელაოს, შენ დააცხრე ყრმის მგზნებარება!<br />
ერთურთს მიეჭრნენ და იმავ წამს სტყორცნა ატრიდმა,<br />
605 მაგრამ ამაოდ, გაუქროლა ოროლმა გვერდით.<br />
პეისანდროსმა მენელაოსს, დიდებით მოსილს,<br />
ფარი გაუპო, მაგრამ ვერ კი გასცილდა შუბი,<br />
შინ გაიჭედა, შუბისტარი ძირში გადატყდა.<br />
გული მოეცა ყრმას, ეგონა ვძლიეო მტერი.<br />
610 ატრიდმა დასცა ხმალი ვერცხლის სამსჭვალიანი,<br />
მაგრამ ბაკმულმა ფარმა იხსნა პეისანდროსი,<br />
სპილენძის ცული მოიმარჯვა მან მოლაპლაპე<br />
და შეუტია, შეერკინნენ ერთურთს მებრძოლნი.<br />
დასცხო ჩაჩქანზე, სადაც ჯიღა აფოფრილიყო,<br />
615 ზედ ზუჩის თხემთან. მან კი შუბლში ჰკრა პეისანდროსს,<br />
წარბთან.<br />
გაისმა ძვლის ღრჭიალი. თვალნი მიწაზე<br />
გამოუცვივდა და მაშინვე დაეცა მოყმეც.<br />
ფეხით ზედ შედგა მენელაოს, აბჯარს აგლეჯდა<br />
და გაჰყიოდა ამაყი და გამარჯვებული:<br />
620 ”ასე დატოვებთ ცხენთმარბიელ დანაელთ გემებს<br />
დამღუპველ ომით გაუმაძღარ ტროელთა სპანი!<br />
მეტ თავლაფდასხმას ვერც იფიქრებთ, რაც თქვანგან მერგო,<br />
თქვენ ძაღლთაპირნო!<br />
ზევსის რისხვაც არ გაშინებდათ -<br />
იგი ხომ სტუმარ-მასპინძლობის არის მფარველი<br />
625 და ნაცარ-ტუტად აქცევს მალე თქვენს მაღალ ციხეს!<br />
ცოლიც წამგვარეთ ახალგაზრდა, განძიც გაზიდეთ,<br />
ურცხვად წახვედით მეგობრულად ნამასპინძლევნი!<br />
ახლა სურვილი გწვავთ, ზღვადმავლა აქაველთ გემებს<br />
რომ ცეცხლი მოსდოთ! მაგრამ ბოლოს მაინც დაწყდებით,<br />
630 რაგინდაც ხარბად ემსახუროთ არესის საქმეს!<br />
მამაო ზევსო! შენზე უთქვამთ, სიბრძნით სჭარბობსო<br />
კაცთაც და ღმერთთაც, ყოველივე მოდისო მისგან.<br />
226