áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
დაგვიდგეს, ოღონდ მივასვენოთ პელიდთან გვამი!<br />
105 ეს ჭირი უჯობს ჭირთა თმენას მასზე უარესს”.<br />
როცა ეს ფიქრი გონებაში უტრიალებდა,<br />
მოადგა მტერი, მოუძღოდა ტროელთ ჰექტორი.<br />
გმირმა დატოვა მყის პატროკლე,<br />
უკუქცეული<br />
მალ-მალ, ვით ლომი ფაფრიანი, მტერს მოხედავდა.<br />
110 ერეკებიან ფარეხიდან ლომს გლეხკაცები<br />
შუბით მისდევენ, ძაღლი ღრინავს და შეკუმშვია<br />
მხეცს შიშით გული, უხალისოდ ტოვებს საშოვარს.<br />
ასე მოშორდა ცხედარს გმირი მენელაოსიც.<br />
მიუახლოვდა ხალხის კრებულს და იქ ეძებდა<br />
115 მამაც აიანტს, ტელამონის ძეს კეთილშობილს.<br />
მალე იხილა გმირი ლაშქრის მარცხენა მხარეს,<br />
სადაც მხედრობას აქეზებდა მძაფრი ბრძოლისთვის,<br />
თუმცა თავზარი დასცა მაღლით აპოლონ ღმერთმა.<br />
მიუახლოვდა გმირ აიანტს და მოუწოდა:<br />
120 ”აქეთ, აიანტ! ბრძოლა გვმართებს პატროკლესათვის,<br />
ვინძლო აქილევსს დავუბრუნოთ თუნდაც შიშველი<br />
მისი ცხედარი, საჭურველი მძლე ჰექტორს შერჩა!”<br />
ასე მიმართ, შეძრა სული აიანტისა.<br />
გაიჭრა გმირი, თანვე გაჰყვა მენელაოსი.<br />
125 ხოლო ჰექტორი, როს განძარცვა პატროკლეს გვამი,<br />
გმირს მიათრევდა, სურდა თავი მოეჭრა მისთვის<br />
და დასაფლეთად მიეჩინა ტროის ძაღლთათვის.<br />
მკერდზე კოშკივით შემართული ფარით აიანტ<br />
გამოეცხადა. დაიხია ჰექტორმა უკან<br />
130 და ეტლს შეახტა. საჭურველი მეაბჯრეთ მისცა,<br />
რომ სადიდებლად შეენახათ მისთვის ბექთარი.<br />
ვეება ფარით აიანტმა გვამი დაფარა,<br />
იდგა მრისხანე, როგორც ლომი, ბოკვერთა მცველი.<br />
ლომს მიჰყვებიან ბოკვერები პირქუშ მუხნარში<br />
135 და მონადირე რომ შეხვდება, თვალს დააკვესებს<br />
მძლავრი ნადირი, რისხვით შუბლი შეეჭმუხნება.<br />
ასე უვლიდა გარს აიანტს პატროკლეს ცხედარს,<br />
მეორე მხარს მენელაოს ბრძოლისმოყვარე<br />
იდგა გუშაგად, სასტიკ დარდით გულდასერილი.<br />
140 ლიკიელთ მეფემ, მძლე გლავკოსმა ჰიპოლოქიდმა<br />
გაკენჭლა მწარე საყვედურით გმირი ჰექტორი:<br />
”ჰექტორ, იერით გმირის მსგავსო, შენ გმირობისა<br />
არა გცხვენია რა! ამაოდ გაქვს ხალხში სახელი!<br />
რამე იღონე, რომ დაიცვა ციხე-ქალაქი<br />
145 ილიონს შობილ ვაჟკაცებთან და ჯართან ერთად.<br />
285