áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
სახელს ეძებდნენ, საგლოველი სიკვდილი ჰპოვეს.<br />
ვით ლონი ორნი მაღალი მთის ქედზე ნაზარდნი,<br />
555 ძუ ლომის ძუძუ უღრან ტყეში რომ უწოვიათ,<br />
ცხვრებს იტაცებენ, დეკეულებს რქამორკალულებს<br />
და კარ-მიდამოს კაცთ უქცვენ, სანამ თვითონაც<br />
კაცთა ხელითვე ნატყორცნ რვალით დაეცემიან, -<br />
ასე ძლეულნი ენეასის მტკიცე მარჯვენით<br />
560 მიწას დაასკდნენ ძმები მაღალ ფიჭვთა სადარნი.<br />
აღშფოთდა მაშინ ატრევსის ძე მენელაოსი,<br />
მეწინავეებს გამოეყო რვალით მოსილი,<br />
შუბი შემართა, აღაგზნებდა მის სულს არესი<br />
ფარული აზრით: ვინძლო სძლიოს ენეასმაო.<br />
655 მაგრამ შენიშნა ნესტორის ძემ ანტილოქოსმა<br />
და თვით გაიჭრა, რომ ხალხთ მწყემსს, მტრის ბოროტებით<br />
რისხვად ანთებულს, სპათა მძიმე შრომის ნაყოფი<br />
არ წაეხდინა.<br />
ამ დროს გმირნი შუბმოღერებით<br />
ერთურთს უქადდნენ შერკინების ჟინით აღვსილნი.<br />
570 გვერდით დაუდგა ანტილოქოს ატრიდს და თუმცა<br />
მგზნებარე იყო ენეასი, ვეღარ თავს იდვა<br />
ერთიმეორის ღირს ორ მამაც მოყმესთან ბრძოლა,<br />
მათ კი მოკლულნი გაათრიეს თავის რაზმებთან,<br />
მწუხარე მოძმეთ მისცეს გვამნი სვეუბედურთა.<br />
575 თვითონ დაბრუნდნენ, მეწინავეთ შორის იბრძოდნენ.<br />
დასცეს არესის მსგავსი მოყმე პილაიმენევს,<br />
პაფლაგონიელ ფარისმფლობელ ვაჟკაცთა მეფე.<br />
იგი განგმირა შუბოსანმა მენელაოსმა,<br />
ყელში აძგერა წინამდგომელს ბასრი ოროლი.<br />
580 ანტილოქოსმა მყის მეეტლე მიდონიც მოკლა<br />
ატიმნიადი, როცა იგი ცხენს აბრუნებდა.<br />
იდაყვზე მოხვდა ქვა, აღვირი სპილოსძვლიანი<br />
და მოელვარე გაუვარდა, მტვერში დაეცა,<br />
ანტილოქოსმა ხმალი ჩასცხო ყრმას საფეთქელში,<br />
585 ამოიგმინა მან, მშვენიერ ეტლის ძარადან<br />
ძირს გადმოეშვა თავდაყირა. მხრებით ჩაემხო<br />
ერთხანს ქვიშაში, სანამ ცხენმა არ გაჰკრა გვერდი<br />
და გააგორა; ანტილოქოს ცხენს სცემდა მათრახს<br />
და ეტლს არგიველთ ლაშქრისაკენ მიაქროლებდა.<br />
590 ჰექტორმა გმირნი რა შენიშნა, შმაგი ყიჟინით<br />
მყის გამოიჭრა და თან მოჰყვნენ ტროელთ ფალანგნი,<br />
წინ მოუძღოდნენ არესი და მძლავრი ენიო,<br />
გუნდი და გუნდი მეომართა მოჰყვა ფიცხელი.<br />
მტკიცე მარჯვენით ღმერთი არეს შუბს იღერებდა,<br />
104