áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
335 გაგანია დღეს, ბუღით როა გზა დაფარული,<br />
გაშმაგებულნი მტვრის სქელ ღრუბელს აიტაცებენ.<br />
ასე გააფთრდა მაშინ ბრძოლა, აენთოთ გული<br />
შესარკინებლად და ორლესულ რვალთა კვეთებად.<br />
გარს სარბიელი გადაშავდა შუბისტარებით,<br />
340 ისე გრძელით და ისე ხშირით, ვით ტყე უღრანი.<br />
თვალს ჭრიდა ჩაჩქნის ელვარება (ცეცხლი ეკიდა),<br />
შუქი ბექთართა, სხივოსანთა ფართა, ბაკმულთა.<br />
მართლაც გულადი უნდა იყოს ამის მნახველი,<br />
რომ სიმხნე შერჩეს და ყელს სული არ მიებჯინოს!<br />
345 მრავლის შემძლე და უძლეველმა კრონიონებმა<br />
ორ აბჯარასხმულ ტომს ასეთი ურვა არგუნეს.<br />
ზევსი ტროელებს და გმირ ჰექტორს მოსავდა ძლევით,<br />
განადიდებდა ამით იგი ფეხმარდ აქილევსს,<br />
მაგრამ აქაველთ აღსასრული ტროის კედლებთან<br />
350 არ სურდა, მხოლოდ თეტისსა და მის ძეს ალხენდა.<br />
პოსეიდონი არგიველებს გაჰყვა ბრძოლაში,<br />
ჭაღარა ზღვიდან ამოსული, სწყალობდა მოყმეთ,<br />
ტროელთა ძალით დათრგუნვილებს, დრტვინავდა ზევსზე<br />
ორივ ღვთაება ერთი სისხლის და მოდგმისაა,<br />
355 მხოლოდ ზევსს, ადრე დაბადებულს, უნახავს მეტი.<br />
უფროსის შიშით ხალხს აშკარად ვერ ქომაგობდა,<br />
მოკვდავის სახით მოევლინა ღმერთი მებრძოლებს.<br />
ღმერთებმა შუღლის, დამღუპველი ბრძოლის ბაგირი<br />
ორივე ლაშქრის წინ გაჭიმეს და გადანასკვეს<br />
360 გაუწყვეტელი, ზედ მრავალს რომ მიემსხვრა ფეხი.<br />
სპათა აღმგზნები მეომარი, უკვე ჭაღარა<br />
იდომენევსი ტროელთ შეხვდა და ჰყო სილტოლვად.<br />
კაბესიელი ოთრიონევს დასცა, ახლახან<br />
ტროას მოსული, მოიმედე სახელ-დიდების.<br />
365 პრიამოსს სთხოვა მან ასული, ტურფა კასანდრე,<br />
ძღვენი არ მისცა, მაგრამ დიდი საქმე იქადა:<br />
გავაძევებო ქალაქიდან ძეებს.<br />
ასულს დაპირდა პრიამოსი, მისცემდა კიდეც<br />
და ამიტომაც თავდადებით იბრძოდა გმირი.<br />
370 იდომენევსმა მას ელვარე სტყორცნა ოროლი,<br />
დაჭრა ამაყად გამოჭრილი, სპილენძის თორნმა<br />
ვერ იხსნა მოყმე, ჩაეჭედა მუცელში შუბი.<br />
ზათქით დაეცა და ამაყად უთხრა მძლეველმა:<br />
”ოთრიონევსო! მე უდიდეს კაცად ჩაგთვლიდი,<br />
375 თუ აღასრულებ, რაც აღუთქვი მოხუც პრიამოსს,<br />
იგი ხომ ცოლად ულამაზეს ასულს დაგპირდა.<br />
ჩვენც დაგპირდებით, შევასრულებთ კიდევაც აღთქმას:<br />
მიიღებ ასულს ატრიდისას, საუკეთესოს,<br />
მას საქორწილოდ არგოსისან მოვიხმობთ, ოღონდ<br />
220