áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
თებეს მოვიდა კადმოსელთა მოდგმასთან ელჩად.<br />
805 ვუბრძანე, მშვიდად ექეიფა მტრის სასახლეში.<br />
მაგრამ სიშმაგე ნამაცური მიწყივ სჩვეოდა,<br />
ბრძოლად იწვევდა და იოლად სძლევდა კადმოსელთ.<br />
სწორედ ასეთი გმირთაგმირის შემწე ვიყავი!<br />
შენც გეახლები და ყოველთვის გიცავ, გამხნევებ,<br />
810 რომ გულმხნედ შეხვდე, შეერკინო ტროელთა ლაშქარს.<br />
ან მაშვრალი ხარ და დაგიცხრა შმაგი გმირობა.<br />
ან გძლევს სიმხდალე უსულგულო! და ამის შემდეგ<br />
შვილი ხარ განა ტიდევსისა - ოინეიდის!”<br />
ჰრქვა და მიუგო დიომედემ ძალისმხეველმა:<br />
815 ”გიცან, ქალღმერთო, ეგიოხი ზევსის ასულო!<br />
გულწრფელად გეტყვი ყოველივეს, არც რას დავფარავ:<br />
არც დაღლილობა, არც სიმხდალე არ მთრგუნავს ახლა,<br />
არამედ მახსოვს გარუვალი შენი ბრძანება:<br />
არც ერთ ნეტარ ღმერთს არ შევება, გარდა ერთისა -<br />
820 თუ ზევსის ასულ აფროდიტეს ომში ვიხილავ,<br />
ბასრი სპილენძი წამახული ვაძგერო უმალ.<br />
ამიტომ ვიხევ ახლა უკან, ყველა არგიველს<br />
იგივე ვუთხარ, რომ სპას თავი აქ მოეყარა:<br />
ვხედავ, არესი თვით წარმართავს ბრძოლის სადავეს!”<br />
825 კვლავ გმირს მიმართა თვალმცეცხლია ღმერთმა ათნამ:<br />
”გმირო ტიდიდო, დიომედევ, გულის რჩეულო!<br />
ნურც არესს უფრთხი, და ნურც უკვდავს სხვას რომელიმეს,<br />
თვით მე ვიქნები შენი შემწე, შენი შემხიდე!<br />
მიეჭერ არესს მჟღერფეხება ცხენებით გულმხნედ,<br />
830 შეხვდი, შეები, ნუ შეგაკრთობს მისი სიშმაგე,<br />
თვით ამასწინათ მე აღმითქვა და ქალღმერთ ჰერას,<br />
ტროელთ შებმოდა, მოვლენოდა შემწედ არგიველთ,<br />
მაგრამ მათ უმტრო და კვლავ ტროელთ შველის ვერაგი!”<br />
835 თქვა და სთენელოსს მყისვე ეტლი დაათმობინა,<br />
თვითონ უბიძგა და მორჩილად ჩამოხტა მოყმეც.<br />
დიომედესთან დადგა ეტლზე ქალღმერთი თვითონ,<br />
ბრძოლით გზნებული,<br />
მუხის ღერძმა დაიჭრიალა<br />
მრისხანე ღმერთის და მამაცი მოყმის სიმძიმით.<br />
840 ხელში მათრახი და სადავე იპყრა ათენამ<br />
და არესისკენ გააქანა შმაგი ცხენები.<br />
იგი პერიფანტს, ეტოლიელთ ბელადს თავს ადგა,<br />
ძეს მხნეს და ძლიერს სახელოვან ოქესოსის,<br />
სისხლიან არესს აეხადა აბჯარ-ბექთარი.<br />
845 ჰადესის ზუჩი ჰქონდა ქალღმერთს, რომ ღმერთს არ ეცნო.<br />
კაცთა მმუსვრელმა რომ იხილა მძლე დიომედე,<br />
110