áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
გადაგიხდიან შენი მეფურ კვერთხის მორჩილნი.<br />
მყის შეასრულებს ნათქვამს, როცა შუღლს შეეშვები.<br />
300 მაგრამ ატრიდი თუ ისევ გძულს და მისი ძღვენიც,<br />
მაშინ სხვა მაინც შეიბრალე, სხვა აქაველნი,<br />
ბანაკში სასოწარკვეთილნი, შეიწრებულნი!<br />
მაშინ, ვით ღმერთი, სპათა შორის მოიხვეჭ სახელს!<br />
სძლევ ჰექტორს, იგი მოგეჭრება, თავს გაუვიდა,<br />
305 ისე მძვინვარებს! ტოლად არ თვლის არცერთ დანაელს,<br />
ამდენი გემით რომ მოსულან მის შესახვედრად!’<br />
ასე მოუბარს აქილევსმა უთხრა ფეხმარდმა:<br />
”ლაერტის ძეო, ოდისევსო, ჭკუაულევო!<br />
მინდა გაუწყო გულახდილად, რაც მიფიქრია.<br />
310 სხვა რა ვიღონო, რომ შეწყვიტოთ ფუჭი ჭრიჭინი,<br />
თავს რომ მაბეზრებს, ერთ სითყვას რომ მეორე მოსდევს<br />
მე მძულს ატრიდი, ვით კარიბჭე ჯოჯოხეთისა;<br />
სულში ერთს მალავს, ხოლო ბაგით მეორეს ამბობს.<br />
პირდაპირ გეტყვით, რაც მგონია ახლა მთავარი:<br />
315 ვერც აგამენონ, დანაელი ვერც სხვა რომელი<br />
გულს ვერ მომილბობს! რა მადლობა ერგო იმ ვაჟკაცს,<br />
ვინც მიწყივ ტროელთ სპას ებრძოდა მკლავმოუღლელი!<br />
ერთი ფასი აქვს თქვენში მხდალსაც და მეომარსაც,<br />
ერთი ფასი აქვს უსულგულოს და ძალგულოვანს,<br />
320 ყველა ერთია - უქმად კვდება, თუ საქმე მოკლავს!<br />
ჯილდოდ რა მერგო საიმისო, რაც იგრძნო გულმა,<br />
როს მიწყივ სული დასაღუპად მემეტებოდა<br />
ვით ჩიტი თავის ფრთაშეუსხამ, ღინღლიან ბარტყებს<br />
საზრდოს ნისკარტით აძლევს, თავი არ ედარდება,<br />
325 ისე რამდენი გამითენდა უძილო ღამე<br />
და რამდენი დღე დამიღამდა სისხლიან ომში,<br />
როს მამაცურად მტრის ფალანგებს ვერკინებოდი!<br />
გემით მივადექ და თორმეტი ციხე დავლეწე,<br />
ფეხით მივადექ და ავიღე ციხე თერთმეტი,<br />
330 ყოველ ქალაქში ვპოვე განძი აურაცხელი<br />
და რაც მოვხვეჭე, აგამენონს მივართვი ყველა.<br />
ის კი გემებთან იყო ხოლმე, იღებდა ნადავლს,<br />
ბევრს იტოვებდა თავისთვის და ცოტას გასცემდა.<br />
რაც გასცა ჯილდო, ყველა გმირს და ყველა თემისთავს<br />
335 შერჩა აქამდე. მხოლოდ მე ერთს აქაველთ შორის<br />
წამგვარა ქალი სანუკვარი. დღეს მისით ტკბება<br />
ავხორცი მეფე! რად ებრძვიან მტერს არგიველნი<br />
რისთვის შეკრიბა ეს მხედრობა აგამენონმა<br />
ლამაზთმიანი ელენესთვის შეკრიბა განა<br />
340 ნუთუ ცოლები უცოდველნი მიწიერთ შორის<br />
მხოლოდ ატრევსის ძეებს უყვართ ქველი ვაჟაცი<br />
157