áááááá
áááááá
áááááá
Create successful ePaper yourself
Turn your PDF publications into a flip-book with our unique Google optimized e-Paper software.
სულ არ ვაქციო: მეგზურობა ვერ გამიწია!”<br />
ტროელთ ბელადმა ენეასმა მოყმეს მიუგო:<br />
”ასე ნუ იტყვი! თუმც ვერაფერს მივაღწევთ მართლაც,<br />
სანამ პირისპირ მას ცხენდაცხენ არ მივეჭრებით,<br />
220 მხოლოდღა მაშინ იარაღით გამოვცდით მოყმეს.<br />
მომყევი, ეტლზე შემომიდექ, ნახავ ახლავე<br />
ტროსის რაშები მინდორ-ველზე როგორ მიქრიან<br />
ფრთაშესხმულები შეტევის თუ უკუქცევის დროს.<br />
გაგვაქროლებენ ბობოქარნი ისევ ქალაქში.<br />
225 თუ დიომედეს კვლავ არგუნებს კრონიდი ძლევას.<br />
მომყევ, ხელთ იპყარ მათრახი და სადავეები,<br />
მე კი ეტლს დავთმობ, რომ პირისპირ შევხვდე მეომარს,<br />
ან შენ შეები, ხოლო ცხენებს მე დავიურვებ!”<br />
გმირს უპასუხა ლიკაონის ძემ მშვენიერმა:<br />
230 ”ენეას, თვითონ შენა მართე შენი ცხენები,<br />
ეტლს უფრო მარჯვედ, უფრო მარდად გააქროლებენ,<br />
როს ტიდევსის ძეს მივეჭრებით.<br />
და თუ გვძლევს გმირი,<br />
ფეხი დაებმით, შეკრთებიან, ბრძოლის ასპარეზს<br />
ვერც გააღწევენ, თუ ნაცნობი ხმა არ შეესმით.<br />
235 ამ დროს დაგვესხმის თავს ტიდიდი ძალგულოვანი,<br />
ბოლოს მოგვიღებს და რაშებსაც თვით გაიტაცებს.<br />
ამიტომ გვიჯობს, რომ შენ გეპყრას ეტლის სადავე,<br />
იმავდროულად მე მტერს ვტყორცნი ოროლს წამახულს”.<br />
ასე ისურვეს, ორივ დადგა მოხატულ ეტლზე.<br />
240 ტიდევსის ძისკენ გააჭენეს რაშნი ფეხმარდნი.<br />
შენიშნა გმირნი სთენელოსმა, კაპანევსის ძემ<br />
და ტიდევსის ძეს მიაგება ფრთიანი სიტყვა:<br />
”ტიდევსის ძეო დიომედევ, სულზე უტკბესო!<br />
ვხედავ ვაჟკაცებს, შენთან ბრძოლას მოესწრაფვიან,<br />
245 ძალაულევნი.<br />
ერთს, მოისარს, მამაც პანდაროსს<br />
ეამაყება, რომ შვილია ლიკაონისა,<br />
მეორე გახლავს ენეასი, ანქისეს ვაჟი.<br />
თავს მის ძედ თვლის და აფროდიტე ეგულვის დედად.<br />
ეტლითნ გავქუსლოთ, რა ჯანია! ზომას არ ასცდე,<br />
250 მეწინავეთა წინ ნუ წახვალ, ერიდე სიკვდილს”.<br />
მრისხანედ უთხრა დიომედემ ძალგულოვანმა:<br />
”სიტყვა არ დაძრა გაქცევაზე! ვერ დამარწმუნებ,<br />
ბრძოლის ველიდან არ სჩვევია ჩემს ჯილაგს ლტოლვა,<br />
ანდა მიმალვა: ჯერაც მომდგამს ძალა ზვიადი!<br />
255 არც მიდნა ეტლი, როგორც მხედავ, ასე ფეხდაფეხ<br />
მივალ, პალასი არ მიბრძანებს შიშითა ვთრთოდე.<br />
96