Het beleid inzake unieke regionale talen

456
Het beleid inzake unieke regionale talen
- de realisaasje fan in beliedsrjochte learen liket oan de kant fan de Dútske
oerheid grutter as oan de kant fan de Nederlânske sintrale oerheid. Dy
fêststelling stiet net los fan de noasje fan minderhedebelied dy’t, oars as
yn Nederlân, yn it Dútske gefal in rol spilet;
- de kulturele kontekst, wêrby’t it trochwurkjen fan it DDR-ferline nei
foaren komt yn in unysintryske oanpak fan de beliedsfoarming oangeande
it Sorbysk, foar in mear plurysintryske oanpak yn de oare taalbeliedssituaasjes
oer.
It slothaadstik beslút mei in koarte teoretyske refleksje op it BIC-model en
de kar en it ferlykjen fan de ûndersochte gefallen. Dy skôging fiert ta de
konklúzje dat it BIC-model syn heuristyske wearde foldwaande dúdlik
makke hat. Foar de B en de C soe lykwols in fierder ferfynjen neistribbe
wurde moatte.
Ta beslút wurde noch in pear suggestjes foar fierder ûndersyk dien. Dêrby
wurdt wiisd op ûndersyk nei de beliedsfoarming op net-nasjonaal
oerheidsnivo en nei it trochwurkjen fan ynternasjonaal belied op it nasjonale
nivo.