1896-1898 Tome 18 - Ouvrages anciens sur Saint-Omer (Pas-de ...

i. — Lettre de François Premier à
Clément VIIQ
III
Très Sainct Père, Vostre Saincteté sçait assez le
long temps qu'il y a que nostre très cher et très amé
bon frère et perpétuel allié, le Roy d'Angleterre,
poursuit envers Elle que la congnoissance de la
cause de son mariage soit renvoyée en son Royaume,
sans estre autrement eontrainct de la faire debatre
ne poursuivre à Romme, tant pour la longueur et
distance des lieux, que aussi pour plusieurs bonnes
et raisonnables considérations, qu'il nous a tousjours
fait entendre avoir par ci-devant fait remonstrer et
alléguer à icelle Vostre Saincteté, affin de la persuader
de ce faire. Et combien, très Sainct Père, que
par diverses foiz et mesmement de pont Sainct-
Cloud près Paris, et depuis de Chantilly, nous vous
ayons bien amplement escript de cest affaire, en faveur
de nostre bon frère, et davantaige fait porter
parolles par noz ambassadeurs, qui ont résidé
auprès de'Vostre dicte Saincteté, à ce qu'il voulsist
conduire et guider les choses à Vhonneur de Dieu
tout premièrement, et après, au plus près de l'intention
de nostre dictbon frère, tant pour la parfaicte et
indissoluble amitié et affection que est entre nous
que pour l'observaunce (sic) et amour fillialle que portons
à icelle Vostre Saincteté, ce neantmoins, très
Sainct Père, voyant que l'affaire dont il est question
n'a encore poins grant fondement de seureté, dont
(I)Duplicata de l'original. CollectionDupuy, t. 547,f. 50.