1896-1898 Tome 18 - Ouvrages anciens sur Saint-Omer (Pas-de ...

CCCXXXIII
j'ay depesche pour aller en Escosse, etvous mandoys,
entre autres choses, comme j'avoys eu lettres de
Rome, dont la pluspart du contenu d'icelles estoit
en chiffre, et que sitost que elles seroient deschiffrées,
s'il y avoit chose, dont il fust besoing advertir
le Roy d'Angleterre, mon bon frère et perpétuel
allié, je le vous feroys sçavoir pour le luy faire
entendre, et pour ce que, au deschiffrement d'icelles
lettres n"y avoit riens d'importance et qu'il n'estoit
question seullenient que de responce d'affaires
particuliers, cela me garde de vous en escripre
autre chose. Mais, depuis la depesche dudict Fleury,
j'ay receu ung autre pacquet de mon cousin le cardinal
de Tournon, par lequel il me fait responce au
contenu de l'instruction que j'envoyay, ces jours
passez, par courriez exprès à luy et à mon cousin le
cardinal de Grammont. De laquelle instruction je
vous envoyay dès lors ung double. Et à ce que vous
entendiez le contenu de la responce que me faict
ledict cardinal de Tournon, et que vous en puyssiez
advertir, à la vérité, mondict bon frère, à ce qu'il
puisse entendre clerement en quelle sorte Nostredict
Saint Père a prins le propos que luy a icelluy cardinal,
tenu
touchant sondict affaire, je vous
envoyé la lettre mesmes qu'il m'en a escripte,
ensemble la coppie d'une responce que j'ay faict
dresser pour l'envoyer audict cardinal, ou cas que
mondict bon frère la trouve bonne, laquelle lettre
et coppie vous monstrerez et communiquerez, de
mot à mot, à mondict bon frère, et s'il trouve ladicte
response à son gré ou qu'il vueille que j'y adjouste
ou diminue aucune chose et que je l'envoyé à Rome,