1896-1898 Tome 18 - Ouvrages anciens sur Saint-Omer (Pas-de ...

cccm
quant le Pape et vous serez ensemble, vous ferez ce
qu'il vous plaira avecques luy et avecq toute ceste
Italie, tant pour ce que vous estes le plus saige
Ambassadeur de vostre Royaulme et que vous mesmes
sçaurez myeulx conduire voz affaires que tout
autre, que aussi pour ce que vous trouverrez le
Pape, à ce que nous pensons, en bonne volunté, et
luy et toute l'Italie en liberté, estant l'Empereur et
toute son armée hors d'icelle..... »
82. — Montpezat au Roi (*).
Londres, 3février 1533.
« Sire, hier Monsieur de Norfolk m'envoya quérir,
pour parler à luy, en sa maison qu'il a en ceste
ville. Et arrivé en icelluy, je y trouvay l'Ambassadeur
du Pape qui desjà avoit esté avec luy l'espace
de bien deux heures, pour luy monstrer quelques
articles de deschifrement de lettres qu'il avoit
eues de Nostre Saint Père qui contenoient, comme
me dict mondict sieur de Norfolk, maintes belles
parolles et offres dudict Sainct Père au Roy son Seigneur,
duquel il me prioit que je vous mandasse, sur
ses vye et honneur, qu'il vous asseuroit et que pour
aucune belle parolle ou promesse qu'il luy peust
par ledict Saint Père estre faicte, il ne pourroit
estre practiqué ; car il avoit en luy trop peu de
fiance. Et ne parle jamais à moy le Roy vostredict
bon frère qu'il ne me tienne propoz d'asseurance de
la ferme amitié qu'il vous porte. Touttesfoiz, il est
délibéré tousjours entretenir icelluy Nostre Sainct
(1)CollectionDupuy, 547,f. 193; Camuzat,t. II, f. 121 v.