1896-1898 Tome 18 - Ouvrages anciens sur Saint-Omer (Pas-de ...

CCCLXIII
luy avez faicte là dessus. Et à ce que vous saichez ce
que vous aurez à faire, quant à ce poinct, vous pourrez
dire à mondict bon frère et audict sieur de
Nortfork, pour le luy faire entendre, que je desireroys
singulièrement, comme la raison le veult,
envoyer par delà quelque notable personnage, pour
Teffect dessusdict. Et s'il plaist à mondict bon frère
que ainsi se face, vous le m'escriprez incontinant,
et je y pourveoyray promptement. Et aussi, là, où il
ne vouldroit attendre cela, et qu'il se contentera que
vous tenez ledict enfant, j'entends que vous le faciez
et que vous luy donnez tel nom qu'il plaira à iceluy
mon bon frère. Et quant à la bague que Ton a acoustumé
de donner à la Royne, ainsi que escripvez à
mon cousin le grant maistre, je vous en envoyeray,
par cy après, une, et ce pendant vous vous pourrez
ayder, s'il vient à poinct, de celle que vous baillera
mondict sieur de Norffork.
Quant à la depesche qui a esté faicte d'envoyer
Monsieur de Vincestre par deçà, c'est chose que
j'avoys desjà entendu, avant la réception de vostredicte
lettre, et croy qu'il seracejourd'huy ou demain
icy devers moy... Le grant maistre (i) m'a fait
savoir de Marseille le xive de ce moys, l'arrivée
à Nice de ma cousine la Duchesse d'Urbin[o], et
comme mon cousin le Duc ' d'Albanie s'en estoit
retourné à lespece (2), pour aller quérir Nostre
Sainct Père qui se y doit rendre le xxe ou XXII8
de ce moys. Et oultre tout cela, j'ay eu nouvelles
certaines comment Nostredict Sainct Père
(1)25eligne.
(2)La Spezzia.