1896-1898 Tome 18 - Ouvrages anciens sur Saint-Omer (Pas-de ...

CCCXXXIX
95. — Lettre de François Premier à Jean de
Dinteville, Bailli de Troyes, son ambassadeur
à Londres (')•
Lyon, 29 mai 1533. .
Monsieur le Bailly, je vous ay dernièrement faict
responce aux lettres que vous m'aviez auparavant
escriptes, ainsi que avez peu veoir, et depuis, j'ay
eu lettres des Cardinaulx de Tournon et de Gramont,
du xvme de ce' moys, par lesquelles, entre
autres choses, ilz me font sçavoir l'instance et poursuitte
que les ministres de l'Empereur, estans à
Rome, ont faict envers Nostre Sainct Père, pour
persuader Sa Saincteté de procedder par censures, à
Tencontre du Roy d'Angleterre, mon bon frère et
perpétuel allyé, et Thonneste, vertueuse et prudente
response que icelle Sa Saincteté leur a faicte là dessus ;
qui m'a esté très grant et très singullier plaisir. Et
à ce que mondict bon frère puysse estre ordinairement
adverty de tout ce qu'il me vient de ce cousté
là et du bon office que font continuellement lesdicts
Cardinaulx de Tournon et de Gramont, en tous les
endroictz, où il est question de son affaire, et aussi
qu'il puisse juger clerement, de combien peuvent
avoir servy les lettres que je leur ay par cy devant
escriptes en sa faveur, je vous envoyé présentement
la propre lettre quej'ay receue d'eulx, faisant mention
de ce que dessus, laquelle vous luy communi-
querez, de mot à mot, et après la me renvoyerez,
Tadvertisant au surplus que, s'il vient de ce cousté
là quelque autre chose davantage, je ne fauldray de
(1)CollectionDupuy, t. 547,f.247;Camuzat,t. II,f. 128,v.