1896-1898 Tome 18 - Ouvrages anciens sur Saint-Omer (Pas-de ...

CCCLII
avoit auparavant envoyé devers moy, quant il
depescha ledict sieur de Rochefort, pour aller audict
Angleterre, que je ne veoys poinct que ladicte sentence
fust telle qu'elle ne se peust facillement et
aisément rhabiller et qu'elle n'estoit pas deffinitive;
et que au regard de rompre ladicte veue pour cella,
il n'y avoit raison ne apparence de le povoir ou
devoir faire, d'autant que c'estoit une chose desjà
sceue par toute la chrestienté et qu'il sçavoit bien
que cella avoit esté conclud et arresté par le conseil
et advis de sondict maistre ; et que de le rompre
mainctenant, c'estoit une chose que pour mourir je
ne ferais jamais, d'autant qu'il estoit question de
mon honneur, qui est la chose en ce monde quej'ay
la plus chère ; et que, quand ladicte veue n'auroit
esté arrestée, sy devrait achapter le Roy, mon bon
frère, bien chèrement, une telle occasion, attendu
que je ne veoye ung seul moien pour rhabiller son
affaire que cestuy là ; d'autant que la parolle de
prince à prince presens a par trop plus de force et de
vigueur, pour tirer, Tung de l'autre, ce qu'ilz désirent,
que les propoz et lettres qu'ilz peuvent escripre et faire
porter par leurs Ambassadeurs et que de moy il povoit
estre asseuré qu'à ladicte veue je m'employerois
pour l'affaire de mondict bon frère, de sorte qu'ung
chacun pourrait congnoistre et toucher au doy que je
tiens et reppute sondict affaire n'estre avec les
miens que une mesme chose et que mondict bon frère
povoit bien avoir ceste ferme fiance en moy qu'il ne
se y conclueroit, ne arresteroit chose qui ne fust à son
avantaige.. .(i)Et, pour conclusion, Monsieur le Bailly,
après qu'il eust le tout, bien entendu, il demoura de