1896-1898 Tome 18 - Ouvrages anciens sur Saint-Omer (Pas-de ...

CCCXI
en nostredicte grande cause ou qu'il ne vuelle
•admettre ne allouer nostre excusateur, ou qu'il vouldroit
expédier, exécuter ou fulminer à Tencontre de
nous, noz Royaulmes et subjectz aulcunes citations,
inhibitions, suspensions, excommunications ou
aultres quelconques procez tirans affin d'empescher
le progrès et exécution de nostredict mariage, ou
aultrement molester, troubler ou infester, nous,
nostredict Royaulme et subjectz, il nous assistera
et maintiendra en tout ce qui pourra estre pour le
bien et honneur de nous, nostredict Royaulme et
subjectz, ensemble à Tasseurance du droict et honneur
de la succession et postérité qui dudict mariage
(Dieu donnant) pourra ensuyr.
Nous, par la ferme confidence, espoir et fiance
que nous avons en sa vérité et promesse, corroborée
de la parfaite amytié et allyance perpétuelle d'entre
nous, avons effectuellement procédé à l'accomplissement
et consummation dudict mariage, fermement
du tout confians que nostredict bon frère ne sera
pas moins, ains plustost plus libéral, de fait et
d'oeuvres que de parolles, comme, en pareil cas,
nous sommes totalement resoluz que il nous trouvera
telz queasseurement espoirons il se monstrera
vers nous sans fiction ne faintise.
Lesquelles choses ainsi (par vous, nostre très
féal conseiller) amplement exposées, procédant plus
oultre, remonstrerez à nostredict mieulx aymé frère
et perpétuel allyé, que, puisque c'a esté le bon plaisir
de nostre benoist créateur, que entre nous y a si bonne
amytié, union et allyance perpétuelle, passée et
establie, tant par instrumenta et traictés qu'aussy par