1896-1898 Tome 18 - Ouvrages anciens sur Saint-Omer (Pas-de ...

CCLXXXVII
velles et indeues exactions qu'ilz disent que l'on
faict à Romme à l'expedicion des bulles par lesquelles
l'argent de ce royaume se vuyde journellement
et transporte hors d'iceluy. Oultre cela, ledict Clergié
se appouvrist et ne se font les réparations des
églises et les alimens des pouvres, ainsy qu'ils dcbveroient.
Et pour plus clerement monstrer ce que
dessus, ledict Glergié mect en avant les Annates
excessives qu'il convient payer, là où il n'y a aucune
equalité. Et, avec ce, plusieurs offices nouveaulx ont
esté créez, qui sont payez sur les expéditions d'icelles
bulles, oultre ce que l'on avoit acoustumé de
payer le temps passé. Et quand iceulx offices viennent
à vacquer, elles se vendent grosses sommes de
deniers qui viennent au prouffit d'icelle Sa Saincteté
et se payent propines(i)grosses, sans causeny raison,
et se convient payer huissiers, buveurs, ortolans,
chambriers, prothonotaires, leurs serviteurs et varletz
et pour la restauration des apostres qu'ilz appellent
Sacra, combien que l'argent de ce provenu ayt
esté ordinairement employé à faire la guerre audit
sieur. Et oultre cela, y a grande multiplication de bulles,
oùilneseroit besoing d'en avoir que une, et se
payent plusieurs autres choses frustratoires, où n'y a
aucune raison ne apparence, de sorte qu'il semble que
ce soit ung vray engin et retz à prandre argent, tellement
que tous ceulx qui le voyent, faisans le compte
de l'expedicion de leurs bulles, l'ont en grant horreur
et mesmement sont fort scandalisez des grosses
sommes de deniers qui se payent pour le faict
(I) Pourboires.