1896-1898 Tome 18 - Ouvrages anciens sur Saint-Omer (Pas-de ...

CCCXVIII
maulvaise exemple à tous aultres princes de se fier
en luy et observer les pactes, conventions ettraictez,
mais aussi seroit occasion au commun peuple
d'estimer les promesses, accords et amytiés de
princes n'estre que fanctise [feintise] et dissimulation,
qui leur seroit chose fort préjudiciable; et se
pourrait sur ce nourrir telle division qu'il ne seroit
pas bien, ne de facilement retourner à la ligue et
amytié précédente et passée. Cela pourra nostredict
bon frère dire avecques plusieurs aultres bonnes
responses et raisons qu'il sçaura excogiter.
En conclusion, vous déclarerez en vostre plus
affectueuse manière, au Roy, nostredict bon frère,
qu'en nostre grande cause, après Dieu et la bonne
justice d'icelle, nous ne trouvons faveur, confort ne
support en aulchun aultre Roy, grand prince ne
personnage, qui nous console tant, comme les
bonnes parolles, promesses et singulières affections
et désirs d'amytié que le Roy, mondict bon frère, à
nostre très singulière consolation, nous a, de sa
propre bouche, declaréez et dénoncées. C'est qu'en
icelle nostredicte cause, jamais ne nous abandonneroyt,
quelque chose qui s'ensuyst, ains de tout
son pouvoir Testabliroit, supporterait, aiderait et
maintiendroit nostre bon droict, et le droict de la
postérité et succession qui s'en pourrait ensuyr ; et
à tous ceulx qui y vouldroient mettre trouble, empeschement,
encombrance, ou y procurer deshonneur,
vitupère ou infraction, il seroit enemy et
adversaire de tout son pouvoir, en quelconque
estât qu'il soit, fust Pape ou Empereur ; et continueroyt
perpétuel fauteur, protecteur et stabiliteur