1896-1898 Tome 18 - Ouvrages anciens sur Saint-Omer (Pas-de ...

20. — Ordre et Cérémonies observées à
l'entrevue des Rois de France et d'An-
gleterre, du 21 au 29 Octobre 1532 (')
La présente sera pour vous advertir de la grand
chère, triumphes et festins qui se sont faictz depuis
trois jours en çà, en ceste ville de Boulongne, en
laquelle, dès samedy dernier, xixe jour d'octobre, le
Roy y arriva. Et le lundy d'après, s'en alla à Marquize,
qui est une petite ville, moictié chemyn de
Bouloingne et de Calais; auquel lieu de Marquize
ledit sieur, adverty de la venue du Roy d'Angleterre,
séjourna tout le jour, jusques au lundy xxie,
environ dix heures du matin, qu'il partist pour
aller au devant dudit Roy d'Angleterre, accompaigné
de Messieurs de Vendosme, de Guise, S'-Pol, Grand
Maistre et Amyral, avec la bande des deux cens
gentilzhommes et autres gros Seigneurs de France.
Rencontra ledit Roy d'Angleterre, après avoir
chevaucher environ une lieue tirant vers Calais ;
et de si loing que lesdits deux Roys se veisrent, se
sortisrent hors de leurs trouppes, et picquesrent
droit l'ung à l'autre, et eulx arrivés près, se prinsdrent
à s'embrasser. Après lequel embrassement,
se laissèrent et picquèrent oultre, et vinsdrent
embrasser, c'est assavoir : le Roy, les princes d'Angleterre,
et le Roy d'Angleterre, les princes de
France. Et iceulx faictz, se reprindrent l'ung
l'autre, et chevauchasrent ensemble, et bailla la
(1)Copie.Extrait de lettre. CollectionDupuy,t. 547,f. 165;
Camuzat,t. II, f. 106.Letters andpapers, t. V, n"1485,p. 624.