1896-1898 Tome 18 - Ouvrages anciens sur Saint-Omer (Pas-de ...

CCCLVII
gneur Roy ne s'est seullement contenté de faire le
mariage contre les brefz, inhibitions sur ce faictes,
mays, oultre cela, a faict publier les loys, au grant
détriment de Tauctorité de Sa Saincteté, et de tout
le Sainct Siège Apostolicque. Et davantage, faict
procedder, jusques à sentence, Tarcevesque de Canturbery,
lequel se dict, en sa mesmes sentence, dont
nous avions veu le double en plain consistoire,
légat né en Angleterre du Sainct Siège Apostolicque,
et il a proceddé contre et pardessus Tauctorité
dudict Siège. Et de vray, Sire, comme je vous ay
escript assez souvent, et comme celluy qui Ta veu à
l'oeil, la plus grand partie de tous ces Cardinaulx se
désespéraient contre le Pape, s'il n'eust faict ce
qu'il a faict. Et croy que Monsieur de Gramont,
qui Ta veu comme moy, vous en dira autant.
Quoy qu'il y ayt, Sire, il me semble que vous ne
ferez pas peu pour le Roy d'Angleterre, si vous
povez arrester le duc de Norffort à ceste veue. Car,
comme je vous ay desjà touché quelques mots, par
les lettres que je vous escripviz dernièrement, pour
peu de semblant que le Roy d'Angleterre face de
reparer les attemptatz et de obéir au Pape, et que Sa
Saincteté puysse avoir couleur avecques son honneur
de faire pour ledict Roy d'Angleterre, je vous
asseure, Sire, que pour l'amour de vous et de luy,
il le fera d'aussi bon cueur qu'il luy est possible. Et
peult estre que, quant vous serez ensemble, il se y
trouvera des expédients, qui seront malaisez à trouver,
si ledict duc de Norffolke n'y est. Ce que j'en
dis, Sire, n'est que pour le désir quej'ay au service
du Roy d'Angleterre, ainsi que tant de foyz vous