1896-1898 Tome 18 - Ouvrages anciens sur Saint-Omer (Pas-de ...

CCXCVII
pallement, pour ce que, par le contenu de vosdictes
lettres, il semble que Nostredict Sainct Père eust
quelque envye d'attendre l'arrivée des Gardinaulx
de Tournon et de Gramont par delà, avant que de
passer plus oultre (lesquelz, à mon advis, y auront
esté assez à temps, veu ce qu'ilz ont escript de Vauguières,
(i), du xxvir 3 dudict moys passé). J'ai
aussi veu par vosdictes lectres le propoz que
avez tenu à Nostredict Sainct Père, touchant les
povoirs que Sa Saincteté désirait que le Roy d'Angleterre,
mon bon frère, et moy, envoyissions à noz
Ambassadeurs, estans par delà, et la response que
Sadicte Saincteté vous a faicte là dessus ; à quoy ne
vous gist faire autre replicque.
... J'ay aussy veu (a) la complaincte que Nostredict
Sainct Père a faicte, après avoir entendu par
lettres de Tevesque de Cosme, son Ambassadeur
estant icy, ce que je luy avois dict, touchant le faict
des deux décimes qui m'ont esté accordées par le
clergié de mon Royaume et les remonstrances qu'elle
vous a faictes, quant à ce poinct. Et trouve bon ce
que luy avez replicque sur cela, d'autant qu'il ne
fault poinct que Sa Saincteté trouve mauvays l'accord
desdictes décimes ; car c'est Tune des moindres
choses que les Prelatz de mondict Royaume me vouldroient
octroyer. Mais Ton devroit trouver beau-
coup plus estrange que elle et l'Empereur, depuis
quelque temps en çà, en ayant faict cueillir et lever
vingt deux ou vingt troys sur leurs subjectz, ainsi
(1)Voghera.
(2)CollectionDupuy, t. 547,f, 177,verso,4"ligne.